Erlent

Vonir kvikna um að fjöldi látinna sé helmingi lægri en óttast var

Gunnar Reynir Valþórsson skrifar
Fólk situr þar sem heimili þeirra stóð áður.
Fólk situr þar sem heimili þeirra stóð áður. epa/Tannen Maury

Vonir hafa kviknað í Kentucky um að tala látinna í hvirfilbyljunum sem gengu yfir ríkið á föstudag sé lægri en í fyrstu var talið.

Einna verst var ástandið í kertaverksmiðju í bænum Mayfield og sagði ríkisstjórinn Andy Beshear í gær að óttast væri að 70 starfsmenn verksmiðjunnar hefðu farist, aðeins hefði tekist að bjarga 40 þeirra. 

Nú virðist hinsvegar komið í ljós að stór hluti starfsmannanna náði að koma sér ofan í kjallara verksmiðjunnar þegar strokkurinn gekk yfir og því virðist sem átta manns hafi látist auk þess sem átta annarra er enn saknað. 

Aðrir starfsmenn eru heilir á húfi. 

Í gær var talið að fjöldi látinna í ríkinu væri rúmlega 100 manns en í ljósi þessara nýjustu frétta er ætlað að raunverulegur fjöldi sé um 50 manns. 

Um fjóra skýstróka var að ræða allt í allt og stóð einn þeirra yfir í óvenju langan tíma, þannig að slóð eyðileggingar hans er um 320 kílómetrar að lengd. Til viðbótar við dauðsföllin í Kenducky létu sex lífið í Illinois, fjórir í Tennessee, tveir í Arkansas og tveir í Missouri.

Bandaríkin Náttúruhamfarir
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið