Fótbolti

Leik Atalanta og Villareal frestað vegna veðurs | Spilað í Kópa­vogi

Runólfur Trausti Þórhallsson skrifar
Frá Kópavogsvelli í kvöld.
Frá Kópavogsvelli í kvöld. Vísir/Vilhelm

Leikur Atalanta og Villareal í F-riðli Meistaradeildar Evrópu mun fara fram á morgun þar sem veðuraðstæður í Bergamo á Ítalíu leyfa einfaldlega ekki knattspyrnuiðkun sem stendur. Sömu sögu er ekki að segja úr Kópavogi þar sem hefur einnig snjóað gríðarlega í kvöld.

Mikil snjókoma hefur verið í Bergamo í dag og kvöld. Þó svo að völlurinn hafi verið mokaður nær statt og stöðugt frá því að klukkutími var þangað til hann átti að hefjast hefur ekki tekist að skapa nægilega góðar aðstæður til að hægt sé að spila.

Frestun leiksins er þvert á reglur UEFA þar sem leikir verða að fara fram á sama tíma þegar eitthvað er undir. Við veðrið verður víst ekki ráðið.

Frá Bergamo í kvöld.Emilio Andreoli/Getty Images

Villareal og Atalanta eru í harðri baráttu um 2. sæti F-riðils en Manchester United hefur nú þegar unnið riðilinn.

Fari svo að Young Boys frá Sviss vinni á Old Trafford í kvöld myndi sigur Villareal þýða að Atalanta endi í neðsta sæti riðilsins og þátttöku þeirra í Evrópu á þessari leiktíð þar með lokið.

Athygli vekur að þrátt fyrir gríðarlega snjókomu hér á landi var samt sem áður ákveðið að spila leik Breiðabliks og Real Madríd í Meistaradeild Evrópu kvenna megin. Real vann leikinn 3-0.

Kópavogsvöllur í kvöld.Vísir/Vilhelm
Frá Kóapvogsvelli í kvöld.Vísir/Vilhelm
Það snjóaði smá.Vísir/Vilhelm

Meistaradeild Evrópu er á Stöð 2 Sport en upplýsingar um útsendingar má finna hér. Meistaradeildin er hluti af Stöð 2 Sport erlent sem kostar 3.990 krónur á mánuði.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.