Að efla hreysti þjóðar Marta Eiríksdóttir skrifar 7. desember 2021 11:01 Fleiri heimsfaraldrar eru á leiðinni segja þeir og jafnvel miklu alvarlegri en þessir sem hafa komið áður. Ekki getum við sprautað fólk endalaust í handleggina, við verðum að hugsa dæmið upp á nýtt! Hvernig væri að efla hreysti þjóðar? Við notumst við forvarnir í áfengis-og vímuefnamálum með ýmsum leiðum. Gætum við farið svipaða leið með heilsu landsmanna, unnið í forvörnum og stuðlað að líkamshreysti barna og fullorðinna í gegnum hreyfingu og betra mataræði, meira grænmeti, án þess að bólusetja það eins og gert er núna í þessum faraldri? Hvern langar að láta bólusetja sig einu sinni á ári eða oftar, eins og þetta árið, þrisvar sinnum! Fórnarkostnaðurinn hefur verið allt of mikill sjáum við þegar lesnar eru tölur þeirra sem hafa sent inn hugsanleg dæmi af aukaverkunum eftir bólusetningu en þær tilkynningar eru komnar hátt í sex þúsund frá landsmönnum okkar! Afhverju fara fjölmiðlar landsins ekki ofan í þá sauma? Aukaverkanir hafa sumar verið mjög alvarlegar, eða hátt í þrjú hundruð manns líða nú af alvarlegum einkennum hugsanlega eftir bólusetningu. Aðrir tala um skert lífsgæði í formi höfuðverkja eða seiðings í höfði alla daga. Þetta var fólk sem kenndi sér ekki meins fyrir bólusetningu. Var virkilega betra að bólusetja allt þetta fólk upp á von og óvon með tilraunaefnin og halda nú áfram að bólusetja það, heldur en að treysta náttúrlegum ónæmisvörnum líkamans? Því er haldið fram af sóttvarnaryfirvöldum að fólk sé að veikjast minna núna af því að það er bólusett. En er það rétt? Það er veikluð veira sem herjar á heimsbyggðina núna og þess vegna erum við að veikjast minna. Þetta vita allir sem hafa kynnt sér veirufræði með Kára, en Kári Stefánsson er einn þeirra sem kenndi okkur þetta í upphafi faraldurs til að róa lýðinn niður. Takk Kári fyrir að hafa róað okkur niður öðru hvoru en það hefði sóttvarnarlæknir mátt gera frekar en að hræða líftóruna úr okkur með endalausum hræðsluáróðri í samstarfi við RUV og aðra nauðbeygða fjölmiðla sem hafa flutt okkur einsleitar fréttir af veirufaraldrinum. Síðan hvenær megum við ekki fræðast um allar hliðar málsins? Almenningur er orðinn tortrygginn á fréttaflutning sem er mjög einsleitur hér á landi. Því miður. Það er ein lítil útvarpsstöð sem hefur þorað í þessi tvö ár, að hafa opna umræðu um þessi mál á Íslandi og fleiri landsmenn eru farnir að hlusta á hana vegna þessa. Fólk vill nefnilega heyra allar hliðar. Þetta þarf allt að endurskoða. Fólk á Íslandi er þokkalega vel gefið og sækir sér upplýsingarnar sjálft á netið ef það fær þær ekki matreiddar af fjölmiðlum landsins. Því miður hefur það verið stefna RUV, ríkisfjölmiðils okkar og fleiri miðla að segja okkur aðeins frá virkni bólusetninga en ekki frá öllum þeim fjölda tilvika þar sem fólk fór illa út úr bólusetningu. Ég veit persónulega um bæði dæmin og ég veit persónulega um óbólusett fólk sem hefur veikst vægt af veirunni núna. Þess vegna skil ég ekki þetta bólusetninga offors. Óhugnanlegar fréttir berast okkur frá umheiminum um frelsisskerðingu almennings sem ekki vill láta bólusetja sig og hefur þá líklega meiri trú á öðrum leiðum til að styrkja ónæmiskerfi sitt gagnvart veirunni. Aldrei eru okkur fluttar fréttir af þessu, til dæmis á RUV um ástandið í Ástralíu, sem er orðið mjög slæmt núna vegna frelsisskerðingar almennings og þjáningar í landinu. Allt vegna bólusetningar þráhyggju yfirvalda. Ég er ekki læknir en ég veit samt að heimsbyggðin þjáist ekki lengur af veiklaðri veirunni. Nei, mannkynið þjáist núna miklu meira vegna frelsisskerðingar og mannréttindabrota af hendi yfirvalda sem af einhverjum óskiljanlegum ástæðum ætla að sprauta allt fólkið sitt, sama hvað það kostar. Ekki var gengið svona hart að almenningi með svínaflensu bólusetningu á sínum tíma. Aldrei hélt ég að við myndum lifa þessa tíma sem við lifum núna. Aldrei hélt ég að óbólusett fólk þyrfti að stofna neðanjarðarhreyfingu til þess að efla varnir sínar gegn sjúkri hugmyndafræði yfirvalda í heiminum. Sagan er að endurtaka sig til dæmis í Þýskalandi, þar sem nú á að útiloka óbólusetta frá allri menningu og flestum verslunum. Hafa þeir ekkert lært af sögunni þessir ágætu Þjóðverjar þegar þeir útskúfuðu gyðingum og gerðu tilraunir á þeim í fangabúðum sínum áður en þeir hinir sömu dóu í gasklefunum? Eigum við virkilega að fara aftur í þetta; Að útskúfa fólki sem vill ráða lífi sínu sjálft? Hér á frjálsa Íslandi höfum við barist gegn allskonar fordómum gagnvart minnihlutahópum; fötluðum, samkynhneigðum, nú transfólki, svo dæmi séu tekin. Við viljum að allir njóti sömu virðingar. Líka óbólusettir. Nei, hættum að draga fólk í dilka! Líkaminn er stórkostleg efnaverksmiðja sem þrífst af góðri fæðu, útivist og hreyfingu. Andinn þrífst af listum og menningarviðburðum, samneyti við annað fólk, vinsemd, kærleika og frelsi til athafna. Förum að byggja okkur og samfélag okkar upp! Styrkjum náttúrlegt ónæmiskerfi líkamans áður en næsti heimsfaraldur ríður yfir. Verum sú þjóð sem horft er til, þjóðin sem þorði að fara aðrar og betri leiðir með fólkið sitt óhrædd við framtíðarfaraldra. Með framsýn yfirvöld í fararbroddi, sem vissu að þessi leið sem farin er í dag er dauðadæmd til lengdar og gerir bara lyfjafyrirtækin ríkari en menninguna snauða. Lifið heil! Höfundur er heilsuráðgjafi og jógakennari. Viltu birta grein á Vísi? Sendu okkur póst. Senda grein Bólusetningar Faraldur kórónuveiru (COVID-19) Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Af hverju eru næringarsnauð matvæli í forgrunni við íþróttaiðkun barna okkar? Berglind Lilja Guðlaugsdóttir Skoðun Jarðakaup í nýjum tilgangi Halla Hrund Logadóttir Skoðun Eldri borgarar fá lítið út úr kjarasamningunum Kári Jónasson Skoðun Austurgata 10 - blm. í góðri trú blekktir? - Ærumeiðandi dylgjur leigjanda Árni Stefán Árnason Skoðun Vannýtt tækifæri Kristín Fríða Ólafsdóttir Skoðun Alþjóðadagur félagsráðgjafar Steinunn Bergmann Skoðun Hvítþvottur á fótboltavellinum – leikur Íslands við Ísrael í undankeppni EM 2024 Hrönn G. Guðmundsdóttir Skoðun „Við áttum aldrei möguleika“ Hjörtur J. Guðmundsson Skoðun Ráðherra sem fer þvert á vilja Alþingis Ásthildur Lóa Þórsdóttir,Eyjólfur Ármannsson,Guðmundur Ingi Kristinsson,Inga Sæland,Jakob Frímann Magnússon,Tómas A. Tómasson Skoðun Opið bréf til Heru Bjarkar Anna Tómasdóttir,Margrét Manda Jónsdóttir,Marta Jóns Hjördísardóttir Skoðun Skoðun Skoðun Vannýtt tækifæri Kristín Fríða Ólafsdóttir skrifar Skoðun Alþjóðadagur félagsráðgjafar Steinunn Bergmann skrifar Skoðun Af hverju eru næringarsnauð matvæli í forgrunni við íþróttaiðkun barna okkar? Berglind Lilja Guðlaugsdóttir skrifar Skoðun Að skoða meira inn í sumar ástæður misnotkunar Matthildur Björnsdóttir skrifar Skoðun Fundur NAMMCO í vikunni Micah Garen skrifar Skoðun Hvítþvottur á fótboltavellinum – leikur Íslands við Ísrael í undankeppni EM 2024 Hrönn G. Guðmundsdóttir skrifar Skoðun Leiðin að bílprófinu Þuríður B. Ægisdóttir skrifar Skoðun Draumalandið Luxemburg og íslenskir jafnaðarmenn - þriðji hluti Ólafur Sveinsson skrifar Skoðun Austurgata 10 - blm. í góðri trú blekktir? - Ærumeiðandi dylgjur leigjanda Árni Stefán Árnason skrifar Skoðun V. Sköpunarsaga þjóðsögu –Guðmundarmálið skyndilega skellt á borð Hafþór S. Ciesielski skrifar Skoðun Forsendur krafna um íslenskukunnáttu Eiríkur Rögnvaldsson skrifar Skoðun Eldri borgarar fá lítið út úr kjarasamningunum Kári Jónasson skrifar Skoðun Hræðsla er hjálplegur þjónn, en hræðilegt yfirvald Jón Þór Ólafsson skrifar Skoðun „Kvótasetning grásleppu snýst um að tryggja arðsemi“? Örn Pálsson skrifar Skoðun Hvað tökum við með okkur? Magnús Bergmann skrifar Skoðun Þreytandi grænþvottur Birgitta Stefánsdóttir skrifar Skoðun Ráðherra sem fer þvert á vilja Alþingis Ásthildur Lóa Þórsdóttir,Eyjólfur Ármannsson,Guðmundur Ingi Kristinsson,Inga Sæland,Jakob Frímann Magnússon,Tómas A. Tómasson skrifar Skoðun Hvað á ég að gera? Rannveig Hafsteinsdóttir skrifar Skoðun Jarðakaup í nýjum tilgangi Halla Hrund Logadóttir skrifar Skoðun Íslenskur matur Bjarni Jónsson skrifar Skoðun „Við áttum aldrei möguleika“ Hjörtur J. Guðmundsson skrifar Skoðun Lán úr óláni Ísleifur Arnórsson skrifar Skoðun Síðasta kynslóðin! Sigurvin Lárus Jónsson skrifar Skoðun Að læra íslensku til að finnast þú vera hluti af samfélaginu Valerio Gargiulo skrifar Skoðun Virði lýðræðis Sigríður Hrund Pétursdóttir skrifar Skoðun Ójöfnuður - andhverfa lýðræðis Jón Baldvin Hannibalsson skrifar Skoðun Mars er mánuður árvekni um ristilkrabbamein Agnes Smáradóttir,Sigurdís Haraldsdóttir skrifar Skoðun Norræna módelið og framtíð lýðræðis Jón Baldvin Hannibalsson skrifar Skoðun Frelsi og fjárhagslegt öryggi ungbarnafjölskyldna Vilhjálmur Árnason skrifar Skoðun Sigurbogi Dagbjört Ósk Steindórsdóttir skrifar Sjá meira
Fleiri heimsfaraldrar eru á leiðinni segja þeir og jafnvel miklu alvarlegri en þessir sem hafa komið áður. Ekki getum við sprautað fólk endalaust í handleggina, við verðum að hugsa dæmið upp á nýtt! Hvernig væri að efla hreysti þjóðar? Við notumst við forvarnir í áfengis-og vímuefnamálum með ýmsum leiðum. Gætum við farið svipaða leið með heilsu landsmanna, unnið í forvörnum og stuðlað að líkamshreysti barna og fullorðinna í gegnum hreyfingu og betra mataræði, meira grænmeti, án þess að bólusetja það eins og gert er núna í þessum faraldri? Hvern langar að láta bólusetja sig einu sinni á ári eða oftar, eins og þetta árið, þrisvar sinnum! Fórnarkostnaðurinn hefur verið allt of mikill sjáum við þegar lesnar eru tölur þeirra sem hafa sent inn hugsanleg dæmi af aukaverkunum eftir bólusetningu en þær tilkynningar eru komnar hátt í sex þúsund frá landsmönnum okkar! Afhverju fara fjölmiðlar landsins ekki ofan í þá sauma? Aukaverkanir hafa sumar verið mjög alvarlegar, eða hátt í þrjú hundruð manns líða nú af alvarlegum einkennum hugsanlega eftir bólusetningu. Aðrir tala um skert lífsgæði í formi höfuðverkja eða seiðings í höfði alla daga. Þetta var fólk sem kenndi sér ekki meins fyrir bólusetningu. Var virkilega betra að bólusetja allt þetta fólk upp á von og óvon með tilraunaefnin og halda nú áfram að bólusetja það, heldur en að treysta náttúrlegum ónæmisvörnum líkamans? Því er haldið fram af sóttvarnaryfirvöldum að fólk sé að veikjast minna núna af því að það er bólusett. En er það rétt? Það er veikluð veira sem herjar á heimsbyggðina núna og þess vegna erum við að veikjast minna. Þetta vita allir sem hafa kynnt sér veirufræði með Kára, en Kári Stefánsson er einn þeirra sem kenndi okkur þetta í upphafi faraldurs til að róa lýðinn niður. Takk Kári fyrir að hafa róað okkur niður öðru hvoru en það hefði sóttvarnarlæknir mátt gera frekar en að hræða líftóruna úr okkur með endalausum hræðsluáróðri í samstarfi við RUV og aðra nauðbeygða fjölmiðla sem hafa flutt okkur einsleitar fréttir af veirufaraldrinum. Síðan hvenær megum við ekki fræðast um allar hliðar málsins? Almenningur er orðinn tortrygginn á fréttaflutning sem er mjög einsleitur hér á landi. Því miður. Það er ein lítil útvarpsstöð sem hefur þorað í þessi tvö ár, að hafa opna umræðu um þessi mál á Íslandi og fleiri landsmenn eru farnir að hlusta á hana vegna þessa. Fólk vill nefnilega heyra allar hliðar. Þetta þarf allt að endurskoða. Fólk á Íslandi er þokkalega vel gefið og sækir sér upplýsingarnar sjálft á netið ef það fær þær ekki matreiddar af fjölmiðlum landsins. Því miður hefur það verið stefna RUV, ríkisfjölmiðils okkar og fleiri miðla að segja okkur aðeins frá virkni bólusetninga en ekki frá öllum þeim fjölda tilvika þar sem fólk fór illa út úr bólusetningu. Ég veit persónulega um bæði dæmin og ég veit persónulega um óbólusett fólk sem hefur veikst vægt af veirunni núna. Þess vegna skil ég ekki þetta bólusetninga offors. Óhugnanlegar fréttir berast okkur frá umheiminum um frelsisskerðingu almennings sem ekki vill láta bólusetja sig og hefur þá líklega meiri trú á öðrum leiðum til að styrkja ónæmiskerfi sitt gagnvart veirunni. Aldrei eru okkur fluttar fréttir af þessu, til dæmis á RUV um ástandið í Ástralíu, sem er orðið mjög slæmt núna vegna frelsisskerðingar almennings og þjáningar í landinu. Allt vegna bólusetningar þráhyggju yfirvalda. Ég er ekki læknir en ég veit samt að heimsbyggðin þjáist ekki lengur af veiklaðri veirunni. Nei, mannkynið þjáist núna miklu meira vegna frelsisskerðingar og mannréttindabrota af hendi yfirvalda sem af einhverjum óskiljanlegum ástæðum ætla að sprauta allt fólkið sitt, sama hvað það kostar. Ekki var gengið svona hart að almenningi með svínaflensu bólusetningu á sínum tíma. Aldrei hélt ég að við myndum lifa þessa tíma sem við lifum núna. Aldrei hélt ég að óbólusett fólk þyrfti að stofna neðanjarðarhreyfingu til þess að efla varnir sínar gegn sjúkri hugmyndafræði yfirvalda í heiminum. Sagan er að endurtaka sig til dæmis í Þýskalandi, þar sem nú á að útiloka óbólusetta frá allri menningu og flestum verslunum. Hafa þeir ekkert lært af sögunni þessir ágætu Þjóðverjar þegar þeir útskúfuðu gyðingum og gerðu tilraunir á þeim í fangabúðum sínum áður en þeir hinir sömu dóu í gasklefunum? Eigum við virkilega að fara aftur í þetta; Að útskúfa fólki sem vill ráða lífi sínu sjálft? Hér á frjálsa Íslandi höfum við barist gegn allskonar fordómum gagnvart minnihlutahópum; fötluðum, samkynhneigðum, nú transfólki, svo dæmi séu tekin. Við viljum að allir njóti sömu virðingar. Líka óbólusettir. Nei, hættum að draga fólk í dilka! Líkaminn er stórkostleg efnaverksmiðja sem þrífst af góðri fæðu, útivist og hreyfingu. Andinn þrífst af listum og menningarviðburðum, samneyti við annað fólk, vinsemd, kærleika og frelsi til athafna. Förum að byggja okkur og samfélag okkar upp! Styrkjum náttúrlegt ónæmiskerfi líkamans áður en næsti heimsfaraldur ríður yfir. Verum sú þjóð sem horft er til, þjóðin sem þorði að fara aðrar og betri leiðir með fólkið sitt óhrædd við framtíðarfaraldra. Með framsýn yfirvöld í fararbroddi, sem vissu að þessi leið sem farin er í dag er dauðadæmd til lengdar og gerir bara lyfjafyrirtækin ríkari en menninguna snauða. Lifið heil! Höfundur er heilsuráðgjafi og jógakennari.
Af hverju eru næringarsnauð matvæli í forgrunni við íþróttaiðkun barna okkar? Berglind Lilja Guðlaugsdóttir Skoðun
Austurgata 10 - blm. í góðri trú blekktir? - Ærumeiðandi dylgjur leigjanda Árni Stefán Árnason Skoðun
Hvítþvottur á fótboltavellinum – leikur Íslands við Ísrael í undankeppni EM 2024 Hrönn G. Guðmundsdóttir Skoðun
Ráðherra sem fer þvert á vilja Alþingis Ásthildur Lóa Þórsdóttir,Eyjólfur Ármannsson,Guðmundur Ingi Kristinsson,Inga Sæland,Jakob Frímann Magnússon,Tómas A. Tómasson Skoðun
Opið bréf til Heru Bjarkar Anna Tómasdóttir,Margrét Manda Jónsdóttir,Marta Jóns Hjördísardóttir Skoðun
Skoðun Af hverju eru næringarsnauð matvæli í forgrunni við íþróttaiðkun barna okkar? Berglind Lilja Guðlaugsdóttir skrifar
Skoðun Hvítþvottur á fótboltavellinum – leikur Íslands við Ísrael í undankeppni EM 2024 Hrönn G. Guðmundsdóttir skrifar
Skoðun Austurgata 10 - blm. í góðri trú blekktir? - Ærumeiðandi dylgjur leigjanda Árni Stefán Árnason skrifar
Skoðun V. Sköpunarsaga þjóðsögu –Guðmundarmálið skyndilega skellt á borð Hafþór S. Ciesielski skrifar
Skoðun Ráðherra sem fer þvert á vilja Alþingis Ásthildur Lóa Þórsdóttir,Eyjólfur Ármannsson,Guðmundur Ingi Kristinsson,Inga Sæland,Jakob Frímann Magnússon,Tómas A. Tómasson skrifar
Af hverju eru næringarsnauð matvæli í forgrunni við íþróttaiðkun barna okkar? Berglind Lilja Guðlaugsdóttir Skoðun
Austurgata 10 - blm. í góðri trú blekktir? - Ærumeiðandi dylgjur leigjanda Árni Stefán Árnason Skoðun
Hvítþvottur á fótboltavellinum – leikur Íslands við Ísrael í undankeppni EM 2024 Hrönn G. Guðmundsdóttir Skoðun
Ráðherra sem fer þvert á vilja Alþingis Ásthildur Lóa Þórsdóttir,Eyjólfur Ármannsson,Guðmundur Ingi Kristinsson,Inga Sæland,Jakob Frímann Magnússon,Tómas A. Tómasson Skoðun
Opið bréf til Heru Bjarkar Anna Tómasdóttir,Margrét Manda Jónsdóttir,Marta Jóns Hjördísardóttir Skoðun