Handbolti

Ómar Ingi markahæstur er Magdeburg endurheimti toppsætið

Hjörtur Leó Guðjónsson skrifar
Ómar Ingi Magnússon heldur áfram að gera það gott fyrir Magdeburg.
Ómar Ingi Magnússon heldur áfram að gera það gott fyrir Magdeburg. Peter Niedung/NurPhoto via Getty Images

Ómar Ingi Magnússon var markahæsti leikmaður Magdeburg er liðið vann góðan tveggja marka sigur gegn BM Logrono La Rioja í Evrópubikarkeppninni í handbolta í kvöld, 33-31.

Liðin héldust í hendur fyrstu mínútur leiksins, en það voru gestirnir í La Rioja sem náðu þriggja marka forskoti um miðjan fyrri hálfleikinn. Ómar og félagar voru þó fljótir að ná forystunni á ný og fóru með eins marks forskot inn í hálfleikinn, 16-15.

Erfiðlega gekk að skilja liðin að í seinni hálfleik, en heimamenn í Magdeburg voru þó alltaf skrefinu á undan. Liðið náði mest þriggja marka forystu og vann að lokum góðan tveggja marka sigur, 33-31.

Magdeburg er nú í efsta sæti C-riðils með sjö stig eftir fjóra leiki, en liðið er enn taplaust í riðlakeppninni. La Rioja er eina liðið sem hefur tekið stig af Magdeburg, en liðið situr í fimmta sæti C-riðils með þrjú stig.

Ómar Ingi var sem áður segir markahæsti leikmaður Magdeburg með sjö mörk mörk, en ásamt því gaf hann einnig sex stoðsendingar.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.