Hákon Daði og Gummersbach hafa verið vel af stað á leiktíðinni. Lærisveinar Guðjóns Vals Sigurðssonar hafa unnið átta af fyrstu níu deildarleikjum sínum og stefna ótrauðir á sæti í þýsku úrvalsdeildinni á næstu leiktíð.

Hákon Daði lék fyrir uppeldisfélag sitt ÍBV á síðustu leiktíð og endaði sem markakóngur Olís-deildarinnar. Eftir það ákvað hann að halda á vit ævintýranna og ganga til liðs við Gummersbach þar sem Eyjamaðurinn Elliði Snær Vignisson var fyrir sem og þjálfarinn Guðjón Valur.

Hornamaðurinn knái skrifaði undir samning til ársins 2023 en nú hefur Gummersbach ákveðið að framlengja samninginn um ár.