Jólabjórsins beðið í skugga aukins fjölda smitaðra

Árni Sæberg skrifar 29. október 2021 20:42

Í dag er góður dagur fyrir unnendur jólabjórs. Stöð 2

Í dag er J-dag, dagurinn sem unnendur jólabjórs bíða í ofvæni eftir á ári hverju. Jólabjórinn frá Tuborg er nefnilega ekki seldur fyrr en að kvöldi J-dags. Jólabjórþyrstir létu uppsveiflu kórónuveirufaraldursins ekki stöðva sig og krár bæjarins iða af lífi.

Þegar fréttastofa leit við á Dönsku kránni í miðbæ Reykjavíkur var þar sannkölluð hátíðarstemning og mikil eftirvænting var í loftinu. Fréttamaður okkar þurfti þó að láta sér venjulegan bjór lynda þar sem blátt bann er lagt við afgreiðslu jólabjórsins til klukkan 20:59 í kvöld.

Tveir unnendur jólabjórs segja í samtali við fréttastofu að þeir muni bíða eftir bjórnum í allt kvöld líkt og þeir hafi gert frá því á miðvikudag. Þeir óttast þó mögulegar skammir í hattinn frá Þórólfi Guðnasyni sóttvarnalækni. „Þórólfur segir sitt og við gerum annað,“ segja þeir.

Svipmyndir frá Dönsku kránni má sjá í spilaranum hér að neðan.

Reykjavík Áfengi og tóbak Næturlíf Faraldur kórónuveiru (COVID-19) Jóladrykkir Jól

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.