Viðskipti innlent

Hótelin skattlögð langt umfram AirBnB og hótelskip

Heimir Már Pétursson skrifar
Hundrað níutíu og fimm herbergi eru á Grandi Center Hotel á Seljavegi í hjarta gamla Vesturbæjarins.
Hundrað níutíu og fimm herbergi eru á Grandi Center Hotel á Seljavegi í hjarta gamla Vesturbæjarins. Stöð 2/Egill

Enn ríkir töluverð óvissa um rekstur hótela þótt ferðamönnum hafi fjölgað í sumar og haust. Formaður Félags fyrirtækja í hótel og gistiþjónustu segir að bæta þurfi samkeppnisstöðu hótela gagnvart leiguíbúðum fyrir ferðamenn og skemmtiferðaskipum sem sigli í vaxandi mæli í kringum landið.

Það hafa verið erfiðir tímar undanfarin tæpu tvö ár hjá ferðaþjónustunni og mörg hótel þurftu hreinlega að loka. Það er þó ekki allur vindur úr hótelrekstrinum. Center hotels hefur opnað splunkunýtt hótel, Grandi á Seljavegi, með hundrað nítíu og fimm herbergjum.

Hótelið er hið glæsilegasta og fær að bera þess merki að þar var stálsmiðjan Héðinn til húsa í áratugi. Kristófer Óliversson sem á Cenert hótelin með konu sinni segir að staðið hafi til að að opna það skömmu fyrir faraldurinn en því verið frestað fram í júlí síðast liðinn.

„Það hefur gengið. Við höfum fengið mjög góðar viðtökur á markaðnum og gengið vel að fá gesti. En þetta tekur allt sinn tíma, að byggja upp við þessar aðstæður sem eru núna. Það er ekki eins og allt sé komið í blóma þótt túristarnir séu farnir að koma,“ segir Kristófer.

Á hótelinu er veitiingastaðurinn Héðinn- Kitchen & bar í sal þar sem stálsmiðjan Héðinn var áður með starfsemi.Stöð 2/Egill

Sjálf lokuðu hann og kona hans sex af sjö hótelum sínum þegar farsóttin stóð sem hæst en hafa nú opnað þau öll aftur og Grandi er áttunda hótelið undir Center vörumerkinu. Hann er einnig formaður Félags í hótel og gistiþjónustu og segir flest hótel borgarinnar einnig hafa opnað á ný. Það hafi hins vegar verið skortur á starfsfólki þegar lagt var af stað á ný.

Kristófer Óliversson annar eigenda Center hótelanna segir ekki allt komið í blóma þótt ferðamennirnir séu farnir að láta sjá sig aftur.Stöð 2/Egill

„Við opnuðum það síðasta núna í september. Þurftum að halda því lokuðu vegna þess að við urðum að fá starfsmenn erlendis frá til að getað opnað hin hótelin og getað boðið starfsfólkinu gistingu,“ segir Kristófer.

Nú eigi hótel hins vegar í nýrri samkeppni auk AirBnB íbúðanna því færist hafi í vöxt að rekstraraðilar erlendra skemmtiferðaskipa fljúgi hingað farþegum og sigli með þá í þúsundatali hringinn í kringum landið.

Gestamóttakan í Grandi Hotel hefur yfir sér blæ sjöunda áratugarins.Stöð 2/Egill

„Af svona hóteli erum við að borga um tvær milljónir á herbergi á ári í skatta og skyldur. Af AirBnB og hótelskipum sem núna eru nýja sprengjan í bransanum eru menn ekki að borga, eða borga mjög lítið í þessu samhengi,“ segir Kristófer.

Fyrir faraldurinn hafi hann verið langt kominn með að byggja hundrað og fimmtíu manna hótel á Akureyri með traustum aðilum. Ef hann ætti að gera það núna myndi hann frekar leigja skip og sigla hringinn í kringum landið.

Mjög gott útsýni er yfir gamla Vesturbæinn úr herbergjum Grandi hótel.Stöð 2/Egill

Áður en faraldurinn skall á hafi hótel séð bókanir allt að tvö ár fram í tímann. Nú geti menn aðeins horft fram yfir áramótin með nokkurri vissu. Stjórnvöld verði að jafna leikinn.

„Ef það eiga að vera skattar á þessum greinum þá borgi allir svipað. Eða þá fella þá niður á alla. Það er náttúrlega einn möguleiki sem mætti benda á,“ segir Kristófer Óliversson.


Tengdar fréttir

Edition vill vera hjartslátturinn í nýrri miðborg Reykjavíkur

Nóttin í svítu á nýjasta hótelinu í Reykjavík kostar á bilinu 117 þúsund upp í rúma eina og hálfa milljón. Þar er boðið upp á einstakt útsýni yfir gömlu höfnina og ýmsa aðra þjónustu sem prýðir fimm stjörnu hótel.

Bændasamtökin enn í viðræðum við ríkið um Hótel Sögu

Viðræður standa enn yfir á milli Bændasamtaka Íslands og ríkisins um kaup á Hótel Sögu fyrir Háskóla Íslands. Þá er enn rætt við tvo aðila í hótelgeiranum, að sögn Gunnars Þorgeirssonar, formanns Bændasamtakanna.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
SYN
4
38
124.480
ICEAIR
2,48
115
592.285
ICESEA
2,04
13
160.248
MAREL
1,72
45
339.065
BRIM
1,32
6
8.495

Mesta lækkun dagsins


Félag
Br.%
Fjöldi
Velta*
SJOVA
-1,64
13
91.497
VIS
-1,51
8
98.717
SVN
-1,21
18
106.451
EIK
-0,85
4
33.645
SIMINN
-0,85
11
45.653
Velkomin á Vísi. Þessi vefur notar vafrakökur. Sjá nánar.