Erlent

Hefur farið 6.000 ferðir í sama rússíbananum

Hólmfríður Gísladóttir skrifar
Hackett segist alltaf hlakka til að fara salíbunu.
Hackett segist alltaf hlakka til að fara salíbunu. Skjáskot/BBC

Ryan Hackett, 61 árs, hefur loksins náð að láta langþráðan draum rætast og hefur nú farið 6.000 ferðir í rússíbananum Megafobia í Oakwood Theme Park í Nerberth í Pembrokeshire í Wales. 

Rússíbaninn opnaði fyrir 25 árum og það var þá sem Hackett fór sína fyrstu ferð. Hann ákvað strax að telja ferðirnar og fór mest 21 ferð á einum degi. Kórónuveirufaraldurinn setti hins vegar strik í reikninginn hvað varðar að ná 6.000 ferða markinu.

„Þetta er veruleikaflótti, þetta eru tvær áhyggjulausar mínútur,“ segir Hackett um rússíbanareiðina. „Þú kemur hingað, ferð um borð í þessa elsku og nýtur.“

Hackett sagðist í samtali við BBC aldrei fá leið á því að fara í rússíbanann og það væri ómögulegt að fara salíbunu án þess að koma brosandi út.

Bretland
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið