Handbolti

ÍBV áfram í Evrópubikarnum eftir frábæran sigur

Sigurður Orri Kristjánsson skrifar
Sunna Jónsdóttir í landsleik í vor
Sunna Jónsdóttir í landsleik í vor HSÍ

Kvennalið Íþróttabandalags Vestmannaeyja gerði sér lítið fyrir og sneri einvígi sínu gegn PAOK í Þessalóníku á Grikklandi sér í vil með góðum sjö marka sigri í dag, 29-27. PAOK vann fyrri leikinn með fimm mörkum.

ÍBV er komið áfram í Evrópubikarkeppni kvenna eftir frábæran viðsnúning á móti liði PAOK frá Þessalóníku. Fyrri leik liðana í gær lauk með sigra Grikkjanna, 29-24 og því ljóst að Eyjakonur ættu mikið verk fyrir höndum í dag. Þeim fórst það verk heldur betur vel úr hendi.

ÍBV byrjaði ekkert sérstaklega vel en um miðbik fyrri hálfleiks tóku þær algerlega yfir leikinn og fóru með sex marka forskot inn í hálfleikinn, 17-11. Eyjakonur voru svo í bílstjórasætinu mestallan síðar hálfleikinn þó svo að forystan hafi nokkrum sinnum dottið niður fyrir fimm mörk. Þær reyndust svo sterkari á lokakaflanum og lönduðu sigri, 29-22 og eru komnar áfram.

Sunna Jónsdóttir var frábær í liði ÍBV og skoraði átta mörk í leiknum. Þá fylgdi Elísa Elíasdóttir eftir góðum leik í gær og skoraði sjö.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.