Nýtt lag og tónlistarmyndband frá Móu: „Það losnaði um einhverja flóðgátt“ Sylvía Rut Sigfúsdóttir skrifar 22. október 2021 11:30 Móa gefur í dag út lagið Pure og tónlistarmyndband við lagið. blóð stúdíó Móeiður Júníusdóttir snýr aftur í tónlistina í dag með glænýju lagi og tónlistarmyndbandi undir nafninu Móa. Tvö ár eru síðan hún byrjaði að semja tónlist aftur og segist nú einblína meira á kjarnann sinn. „Ég stefndi ekkert endileg á að gefa neitt út aftur. Þetta bara gerðist nokkuð skyndilega satt best að segja,“ segir Móa í samtali við Lífið. „Ég var byrjuð að semja svolítið aftur fyrir svona tveimur árum. Þá var eins og það losnaði um einhverja flóðgátt og ég bara varð að hleypa þessum tilfinningum út. Mín leið er að gera það í gegnum tónlistina. Í Covid ástandinu fékk ég síðan kærkomið tækifæri til þess að leita inn á við og vinna í tónlistinni. Þarna skapaðist líka tækifæri til þess að finna út hvað skiptir mann máli og ég komst að því að tónlistin er mín ástríða þótt ég hafi kannað ýmsar aðrar slóðir.“ Móa starfar sem kennari í dag en vinnur nú að nýrri plötu.blóð stúdíó Kyrrð í andartakinu Móa lærði guðfræði og uppeldis-og menntunarfræði og starfar við kennslu. Hún er gift þriggja barna móðir og segir að það séu mikil forréttindi að fá að starfa með unglingum. „Ég hef fengið mjög góðan stuðning frá fjölskyldunni. Þau styðja mig öll í þessu, vita að þetta skiptir mig máli og eru vön því að ég taki upp á ýmsu.“ Lagið Pure kemur út í dag og segir Móa að fleiri lög muni fylgja í kjölfarið. Vonar hún að þetta endi með stórri plötu. „Ég vann lagið með Arnari Guðjónssyni, tónlistarmanni og einum öflugasta upptökustjóra landsins um þessar mundir. Ég hef unnið með honum áður og það kom enginn annar til greina í þetta samstarf. Þetta er alltaf spurning um traust,“ útskýrir Móa. „Textinn fjallar um von, þessa tilfinningu sem streymir um mann á sama tíma og maður upplifir það hvernig tíminn þýtur fram hjá manni. Maður nær einstöku sinnum að upplifa einhvers konar kyrrð í andartakinu. Fyrir mér endurspeglar hann tónlistina sjálfa, það þegar hún streymir um mann.“ Lagið kallaði á einfaldleika Myndbandið er unnið í samstarfi við Blóð Stúdío sem er skapandi fyrirtæki þeirra Ása Má Friðrikssonar og Ernu Hreinsdóttur. „Þau eru að gera ótrúlega flotta hluti. Ási Már leikstýrir auk þess sem frábært teymi af listamönnum koma að því,“ segir Móa. Myndbandið var tekið upp í sköpunarmiðstöðinni Fúsk í Gufunesi. „Ég held að lagið sjálft hafi kallað á einfaldleika, þar sem fókusinn er á aðalatriðið sem er tónlistin, röddin og klassískur sviðsflutningingur. Lýsing og birta leikur stórt hlutverk.“ Myndbandið við lagið Pure má sjá hér fyrir neðan. Klippa: Móa - Pure Móa er eins og áður segir með mörg lög í farteskinu og stefnir á að gefa út nýja plötu, enda með fullt af hugmyndum í kollinum. „Mig langar að vinna með góðum píanista og svo væri gaman að gera dúett, helst með karlmanni. Ég hef ekki gert það.“ Einblínir meira á kjarnan Móa segir að hún hafi fengið mjög góð viðbrögð við þessari endurkomu í tónlistarsenuna hér á landi. „Ég hef upplifað mikla hlýju og hvatningu að undanförnu. Er umvafin kærleik,“ segir Móa. „Tónlistin er fyrir mér svarið við lífinu. Við getum sem manneskjur svarað þeirri reynslu og þeim tilfinningum sem við upplifum á ólíkan hátt. Mín leið er tónlistin.“ Lagið Pure er komið út á Spotify.blóð stúdíó Á Spotify má finna mikið af tónlist frá tónlistarkonunni frá árunum 1993 til 1998. Í Pure má þó heyra nýjan tón. „Ég held að ég hafi breyst á þann hátt að ég einblíni meira á kjarnann en er kannski minna leitandi varðandi hljóðheiminn. Röddin leiðir mig áfram á réttan stað og ég veit hvað ég vil,“ segir Móa að lokum. Tónlist Mest lesið „Endurtek í sífellu: Ég vil ekki deyja, ég vil ekki deyja“ Áskorun Átta ára með sinn eigin bíl á bílasýningu á Akureyri Lífið Tíminn sem fór í að ræða perra inni í hreyfingunni með ólíkindum Lífið „Ég hef aldrei reynt að verða nokkur skapaður hlutur“ Tónlist Inga Tinna og Logi greina frá kyni barnsins Lífið „Þetta er enginn helvítis félagskvíði, það bara þolir mig enginn“ Áskorun Segir hjálminum að þakka að hann sé á lífi Lífið Tengdasonur Íslands trúðaði Simon Cowell upp úr skónum Bíó og sjónvarp Þjóðarsálin í reiðhöllinni Lífið Heilmikil skemmtidagskrá og samsöngur á Þingvöllum í dag Lífið Fleiri fréttir Lofar svakalegri veislu „Ég hef aldrei reynt að verða nokkur skapaður hlutur“ Frikki Dór er til í allt í þriðja skiptið Frikki fellir heimsmetið á miðnætti með Steinda jr. beran að ofan Lykilmaður íslensku rappsenunnar stígur inn í sviðsljósið „Country tónlist er ekki lengur bara sakbitin sæla“ Björgvin Halldórs kveður jólagesti í desember Myndaveisla: Patrik fagnaði PBT 2.0 með tónlistarveislu við höfnina Króli gat ekki hugsað um neitt annað en Bjór Leitt að geta ekki auglýst leynivopnið sem myndi trekkja að Yo-Yo Ma kemur til landsins „Pínu erfitt fyrir viðkvæman listamann“ Gervispilanir tröllríða vinsældarlista Spotify Bríet og Birnir rifu þakið af klúbbnum Samdi Höllusmellinn á tuttugu mínútum Krefjandi að semja tónlist um ofbeldi sem þolandi „Svo góð tilfinning að endurheimta sjálfa sig“ „Aldrei verið jafn stolt af mér“ Páll Óskar og Skrattar í fyrsta sinn á sama sviði „BOY BYE“ við þá röngu en „BOY HÆ“ við þann rétta Bauð pabba að syngja með sér um íslensku sumargaslýsinguna Bashar Murad kemur fram á endalokum LungA „Við ætlum bókstaflega að rífa þakið af húsinu“ Rífandi stemning og valdefldar tónlistarkonur Tónleikum Nicki Minaj aflýst vegna fíkniefnahandtöku Segir skásta staðinn í bænum í kirkjugarðinum Iceland Airwaves kynnir 22 ný bönd til leiks „Þægileg blanda af von og trega“ Kom fram sem stórstjarna „Drull sama hvað einhver apaköttur segir“ Sjá meira
„Ég stefndi ekkert endileg á að gefa neitt út aftur. Þetta bara gerðist nokkuð skyndilega satt best að segja,“ segir Móa í samtali við Lífið. „Ég var byrjuð að semja svolítið aftur fyrir svona tveimur árum. Þá var eins og það losnaði um einhverja flóðgátt og ég bara varð að hleypa þessum tilfinningum út. Mín leið er að gera það í gegnum tónlistina. Í Covid ástandinu fékk ég síðan kærkomið tækifæri til þess að leita inn á við og vinna í tónlistinni. Þarna skapaðist líka tækifæri til þess að finna út hvað skiptir mann máli og ég komst að því að tónlistin er mín ástríða þótt ég hafi kannað ýmsar aðrar slóðir.“ Móa starfar sem kennari í dag en vinnur nú að nýrri plötu.blóð stúdíó Kyrrð í andartakinu Móa lærði guðfræði og uppeldis-og menntunarfræði og starfar við kennslu. Hún er gift þriggja barna móðir og segir að það séu mikil forréttindi að fá að starfa með unglingum. „Ég hef fengið mjög góðan stuðning frá fjölskyldunni. Þau styðja mig öll í þessu, vita að þetta skiptir mig máli og eru vön því að ég taki upp á ýmsu.“ Lagið Pure kemur út í dag og segir Móa að fleiri lög muni fylgja í kjölfarið. Vonar hún að þetta endi með stórri plötu. „Ég vann lagið með Arnari Guðjónssyni, tónlistarmanni og einum öflugasta upptökustjóra landsins um þessar mundir. Ég hef unnið með honum áður og það kom enginn annar til greina í þetta samstarf. Þetta er alltaf spurning um traust,“ útskýrir Móa. „Textinn fjallar um von, þessa tilfinningu sem streymir um mann á sama tíma og maður upplifir það hvernig tíminn þýtur fram hjá manni. Maður nær einstöku sinnum að upplifa einhvers konar kyrrð í andartakinu. Fyrir mér endurspeglar hann tónlistina sjálfa, það þegar hún streymir um mann.“ Lagið kallaði á einfaldleika Myndbandið er unnið í samstarfi við Blóð Stúdío sem er skapandi fyrirtæki þeirra Ása Má Friðrikssonar og Ernu Hreinsdóttur. „Þau eru að gera ótrúlega flotta hluti. Ási Már leikstýrir auk þess sem frábært teymi af listamönnum koma að því,“ segir Móa. Myndbandið var tekið upp í sköpunarmiðstöðinni Fúsk í Gufunesi. „Ég held að lagið sjálft hafi kallað á einfaldleika, þar sem fókusinn er á aðalatriðið sem er tónlistin, röddin og klassískur sviðsflutningingur. Lýsing og birta leikur stórt hlutverk.“ Myndbandið við lagið Pure má sjá hér fyrir neðan. Klippa: Móa - Pure Móa er eins og áður segir með mörg lög í farteskinu og stefnir á að gefa út nýja plötu, enda með fullt af hugmyndum í kollinum. „Mig langar að vinna með góðum píanista og svo væri gaman að gera dúett, helst með karlmanni. Ég hef ekki gert það.“ Einblínir meira á kjarnan Móa segir að hún hafi fengið mjög góð viðbrögð við þessari endurkomu í tónlistarsenuna hér á landi. „Ég hef upplifað mikla hlýju og hvatningu að undanförnu. Er umvafin kærleik,“ segir Móa. „Tónlistin er fyrir mér svarið við lífinu. Við getum sem manneskjur svarað þeirri reynslu og þeim tilfinningum sem við upplifum á ólíkan hátt. Mín leið er tónlistin.“ Lagið Pure er komið út á Spotify.blóð stúdíó Á Spotify má finna mikið af tónlist frá tónlistarkonunni frá árunum 1993 til 1998. Í Pure má þó heyra nýjan tón. „Ég held að ég hafi breyst á þann hátt að ég einblíni meira á kjarnann en er kannski minna leitandi varðandi hljóðheiminn. Röddin leiðir mig áfram á réttan stað og ég veit hvað ég vil,“ segir Móa að lokum.
Tónlist Mest lesið „Endurtek í sífellu: Ég vil ekki deyja, ég vil ekki deyja“ Áskorun Átta ára með sinn eigin bíl á bílasýningu á Akureyri Lífið Tíminn sem fór í að ræða perra inni í hreyfingunni með ólíkindum Lífið „Ég hef aldrei reynt að verða nokkur skapaður hlutur“ Tónlist Inga Tinna og Logi greina frá kyni barnsins Lífið „Þetta er enginn helvítis félagskvíði, það bara þolir mig enginn“ Áskorun Segir hjálminum að þakka að hann sé á lífi Lífið Tengdasonur Íslands trúðaði Simon Cowell upp úr skónum Bíó og sjónvarp Þjóðarsálin í reiðhöllinni Lífið Heilmikil skemmtidagskrá og samsöngur á Þingvöllum í dag Lífið Fleiri fréttir Lofar svakalegri veislu „Ég hef aldrei reynt að verða nokkur skapaður hlutur“ Frikki Dór er til í allt í þriðja skiptið Frikki fellir heimsmetið á miðnætti með Steinda jr. beran að ofan Lykilmaður íslensku rappsenunnar stígur inn í sviðsljósið „Country tónlist er ekki lengur bara sakbitin sæla“ Björgvin Halldórs kveður jólagesti í desember Myndaveisla: Patrik fagnaði PBT 2.0 með tónlistarveislu við höfnina Króli gat ekki hugsað um neitt annað en Bjór Leitt að geta ekki auglýst leynivopnið sem myndi trekkja að Yo-Yo Ma kemur til landsins „Pínu erfitt fyrir viðkvæman listamann“ Gervispilanir tröllríða vinsældarlista Spotify Bríet og Birnir rifu þakið af klúbbnum Samdi Höllusmellinn á tuttugu mínútum Krefjandi að semja tónlist um ofbeldi sem þolandi „Svo góð tilfinning að endurheimta sjálfa sig“ „Aldrei verið jafn stolt af mér“ Páll Óskar og Skrattar í fyrsta sinn á sama sviði „BOY BYE“ við þá röngu en „BOY HÆ“ við þann rétta Bauð pabba að syngja með sér um íslensku sumargaslýsinguna Bashar Murad kemur fram á endalokum LungA „Við ætlum bókstaflega að rífa þakið af húsinu“ Rífandi stemning og valdefldar tónlistarkonur Tónleikum Nicki Minaj aflýst vegna fíkniefnahandtöku Segir skásta staðinn í bænum í kirkjugarðinum Iceland Airwaves kynnir 22 ný bönd til leiks „Þægileg blanda af von og trega“ Kom fram sem stórstjarna „Drull sama hvað einhver apaköttur segir“ Sjá meira