Þétt dagskrá á Þingi Hringborðs Norðurslóða í Hörpu Kolbeinn Tumi Daðason skrifar 14. október 2021 11:46 Naaja Nathanielsen ráðherra kynnti stefnu nýrrar ríkisstjórnar Grænlands og svaraði spurningum fyrir hönd nýs forsætisráðherra Múte B. Egede. Vísir/Egill Þing Hringborðs Norðurslóða – Arctic Circle hófst í Hörpu í morgun klukkan tíu með fjölþættum málstofum um ýmis efni. Setningarfundur þingsins verður svo klukkan 13. Þing Hringborðs Norðurslóða – Arctic Circle er fyrsti stóri alþjóðlegi viðburðurinn um málefni Norðurslóða síðan heimsfaraldurinn hófst. Yfir 100 málstofur með fleiri en 400 ræðumönnum eru á dagskrá þingsins. Leiðtogar þjóða, fyrirtækja, umhverfissamtaka, vísindastofnana o.fl. munu flytja ræður í Hörpunni. Hér mun Norðurslóðasamfélagið koma saman í fyrsta sinn síðan forsetar Bandaríkjanna og Rússlands ræddu ítarlega um málefni Norðurslóða á leiðtogafundi sínum í Genf í sumar. Hin nýja staða Norðurslóða á vettvangi heimsmálanna mun því vera ofarlega á baugi hinna fjölmörgu viðburða þingsins. Frá Hörpu í morgun.Vísir/Egill Forsætisráðherra Íslands, Katrín Jakobsdóttir flytur ræðu við upphaf setningarfundar þingsins. Ný stefna Evrópusambandsins í málefnum Norðurslóða verður á setningarfundinum kynnt af Virginijus Sinkevicius sem er ráðherra Evrópusambandsins um málefni umhverfis, hafs og fiskveiða. Tveir öldungardeildarþingmenn frá Bandaríkjunum, Lisa Murkowski frá Alaska og Sheldon Whitehouse frá Rhode Island, munu einnig á setningarfundinum fjalla um málefni Norðurslóða og loftslagsmál. Einnig mun ný forystusveit Bandaríkjanna í málefnum Norðurslóða, þar á meðal David Balton stjórnandi hinnar nýju Norðurslóðaskrifstofu Hvíta Hússins í Washington D.C., og Mike Sfraga nýr formaður Bandaríska Norðurslóðavísindaráðsins kynna áherslur Biden stjórnarinnar varðandi framtíð Norðurslóða og ræða samskipti Bandaríkjanna við Kína og Rússland í þessum heimshluta. Naaja Nathanielsen, ráðherra, mun kynna stefnu hinnar nýju ríkisstjórnar Grænlands og svara spurningum fyrir hönd hins nýja forsætisráðherra, Múte B. Egede. Málefni Grænlands verða mjög til umfjöllunar en í málstofum verður fjallað sérstaklega um nýlega skýrslu um stöðu Íslands og Grænlands á Nýjum Norðurslóðum. Einnig verður rætt um vaxandi vægi Grænlands á alþjóðavettvangi og um stjórnskipulega framtíð landsins. Á laugardagskvöld lýkur þinginu með svokölluðu Grænlandskvöldi þar sem koma fram grænlenskir listamenn og veitingar og menning Grænlands verða kynnt af Kommuneqarfik Sermersooq, stærsta sveitarfélag heims. Nicola Sturgeon, forsætisráðherra Skotlands flytur ræðu á setningarfundinum. Ræðunnar er beðið með nokkurri eftirvæntingu. Hún verður síðasta stefnumótandi ræðan sem forsætisráðherra Skotlands flytur í aðdraganda loftslagsráðstefnu Sameinuðu Þjóðanna í Glasgow í byrjun nóvember. Þing Hringborðs Norðurslóða er af mörgum þátttakendum nýtt sem undirbúningur undir COP26 fundinn í Glasgow. Fólk á leið í hraðpróf í Hörpu.Vísir/Egill Utanríkisráðherra Danmerkur, Jeppe Kofod, mun fjalla um stöðu danska konungdæmisins á Norðurslóðum og aðstoðarutanríkisráðherra S-Kóreu, Jongmoon Choi, mun flytja ræðu um þátttöku Kóreu á Norðurslóðum. Bárður Á Steig Nielsen lögmaður Færeyja flytur ræðu um stöðu Færeyja á nýjum Norðurslóðum. Allir ofangreindir leiðtogar munu svara spurningum þátttakenda úr sal í kjölfar ávarpa sinna. Þá munu Valery Falkov, ráðherra vísinda í Rússlandi, og Nikolay Korchunov formaður fastafulltrúa Norðurskautsráðsins flytja síðar í dag ávörp um stefnu Rússlands sem formennskulands í Norðurskautsráðinu. Rússland tók við formennsku af Íslandi á ráðherrafundi ráðsins í Reykjavík í maí síðastliðnum. Ísklumpur bráðnar fyrir utan Hörpu. Táknrænt verk.Vísir/Egill Meðal annarra atburða á dagskrá þingsins verður athöfn á morgun. Þá verða afhent verðlaun sem kennd eru við Frederik Paulsen sem um áratuga skeið hefur verið stuðningsmaður vísindarannsókna og samvinnu á heimskautasvæðum jarðar. Stofnað var til verðlaunanna í samvinnu Hringborðs Norðurslóða og Háskóla Norðurslóða. Þeim er ætlað að vera viðurkenning fyrir rannsóknir og frumkvæði sem hafa að meginmarkmiði að bregðast við þeirri vá sem steðjar að vegna loftslagsbreytinga. Verðlaunaupphæðin nemur um 15 milljónum króna. Meðal annarra dagskrárefna verður umfjöllun um framtíð fjárfestinga á Norðurslóðum. Bjarni Benediktsson fjármálaráðherra tekur þátt í þeim umræðum ásamt Scott Minerd fjárfestingastjóra Guggenheim Partners, Hugh Short forstjóra Pt. Capital, sem meðal annars er aðaleigandi Nova og Kea hótela, og Benedikt Gíslasyni bankastjóra Arion banka. Fjallað verður sérstaklega um möguleikann á því að stofna til samstarfs um fjárfestingar á Norðurslóðum og jafnvel um stofnun á sérstökum sjóði sem yrði helgaður Norðurslóðum. Ólafur Ragnar Grímsson, forseti Íslands frá 1996 til 2016, verður í eldlínunni sem fyrr á Arctic Circle.Vísir/Vilhelm Sendiherra Frakklands um málefni heimskautanna, Olivier Poivre d‘Arvor og Michael Mann sendiherra Evrópusambandsins munu ræða samlegðaráhrif af þeirri stefnumótun um málefni heimskautanna sem hefur átt sér stað annars vegar af hálfu franskra stjórnvalda og hins vegar af hálfu Evrópusambandins. Skipuleggjendur og leiðtogar stærsta vísindaleiðangurs á Norðurslóðum MOSAiC munu kynna frumniðurstöður hins sögulega leiðangurs. Tímasetningin hefur gríðarlega þýðingu þar sem hin dramatíska skýrsla IPCC hefur nýlega verið kynnt og einungis tvær vikur þar til loftslagsráðstefna Sameinuðu Þjóðanna COP26 verður haldin í Glasgow. Forsætisráðherra Íslands býður til móttöku ásamt utanríkisráðherra Íslands í kvöld og annað kvöld verður haldin móttaka til heiðurs verðlaunahafa Frederik Paulsen verðlaunanna. Lokadaginn 16. október verður haldið Grænlandskvöld opið öllum þátttakendum. Hringborð Norðurslóða – Arctic Circle er alþjóðlegur vettvangur þar sem saman koma pólitískir leiðtogar, stjórnendur fyrirtækja, sérfræðingar í umhverfismálum, fulltrúar frumbyggja, frumkvöðlar, vísindamenn og fleiri aðilar víðsvegar að úr heiminum. Áætlað er að rúmlega 1200 þátttakendur, frá yfir 50 löndum munu sækja þing Hringborðs Norðurslóða – Arctic Circle í Hörpunni. Það verður því fyrsta stóra fjölþátta alþjóðlega samkoman í Evrópu síðan heimsfaraldurinn hófst. Harpa Norðurslóðir Hringborð norðurslóða Mest lesið „Það er erfitt að setja sig í hermannagalla í litlu sveitarfélagi” Innlent Gekk fram á dauða seli: „Svona á enginn að gera“ Innlent Svona gæti Sundabraut litið út: Brú eða göng meðal valkosta Innlent Segir Fallon og Meyers næsta: „Gerið þetta NBC!!!“ Erlent „Ævintýralegur ávinningur“ og ráðherra segir auðvelt að sækja um Innlent Piltur stakk mann ítrekað en var sýknaður af tilraun til manndráps Innlent Munu leggja fram vísindalegar sannanir fyrir því að Brigitte sé líffræðilega kona Erlent „Ég er bara eins og ég er og tala bara eins og ég tala“ Innlent „Hver ætlar að fylgjast með því að hann komi ekki til baka?“ Innlent Ráðast á fangaverði og skvetta á þá ýmsum líkamsvessum Innlent Fleiri fréttir Grunaður um að fara inn á heimili fjölskyldu og brjóta þar á barni Ók á vegavinnumann og flúði vettvang Biðla til fólks að taka vel á móti sölumönnum þó svikahrappar séu á ferð Kimmel tekinn af dagskrá: Donald Trump grafi undan lýðræðinu Bókun 35 fór hnökralaust í gegnum fyrstu umræðu en gæti reynt á í næstu Hundruð milljóna vanti: „Þetta er hreint misrétti“ „Hver ætlar að fylgjast með því að hann komi ekki til baka?“ Vítamínmarkaðurinn á Íslandi eins og villta vestrið Tjáir sig um brottvísun Kourani og tekist á um Jimmy Kimmel Tóku fyrstu skóflustungu að næsta áfanga miðbæjarins á Selfossi „Ýtnir og frekir“ útlendingar þykjist heyrnarlausir til að svíkja af fólki fé BSRB fordæmir áform ríkisstjórnar um að skerða réttindi starfsfólks Piltur stakk mann ítrekað en var sýknaður af tilraun til manndráps Hafnir landsins þurfa hátt í hundrað milljarða næstu fimmtán árin Harma áform stjórnvalda sem heimila hækkun gjalda Innan við helmingur segist trúaður Guðjón Ragnar skipaður skólameistari „Ég er bara eins og ég er og tala bara eins og ég tala“ Inga á móti neitunarvaldi sveitarfélaga „Ævintýralegur ávinningur“ og ráðherra segir auðvelt að sækja um Kjósa um sameiningu sveitarfélaganna í lok nóvember og desember Gísli Marteinn „alls ekki“ á leið í framboð Vilja að átján ára fái að kaupa áfengi Ráðherra boðar stórtækar breytingar og Viðskiptaráð vill finna olíu Hafnar kröfu um ógildingu ákvörðunar Skipulagsstofnunar Svona gæti Sundabraut litið út: Brú eða göng meðal valkosta Stefnir í að forystan verði óbreytt Gekk fram á dauða seli: „Svona á enginn að gera“ Vilja byggja nýtt geðsvið við hlið Landspítalans í Fossvogi Íbúar þurfa ekki lengur að sjóða neysluvatn Sjá meira
Þing Hringborðs Norðurslóða – Arctic Circle er fyrsti stóri alþjóðlegi viðburðurinn um málefni Norðurslóða síðan heimsfaraldurinn hófst. Yfir 100 málstofur með fleiri en 400 ræðumönnum eru á dagskrá þingsins. Leiðtogar þjóða, fyrirtækja, umhverfissamtaka, vísindastofnana o.fl. munu flytja ræður í Hörpunni. Hér mun Norðurslóðasamfélagið koma saman í fyrsta sinn síðan forsetar Bandaríkjanna og Rússlands ræddu ítarlega um málefni Norðurslóða á leiðtogafundi sínum í Genf í sumar. Hin nýja staða Norðurslóða á vettvangi heimsmálanna mun því vera ofarlega á baugi hinna fjölmörgu viðburða þingsins. Frá Hörpu í morgun.Vísir/Egill Forsætisráðherra Íslands, Katrín Jakobsdóttir flytur ræðu við upphaf setningarfundar þingsins. Ný stefna Evrópusambandsins í málefnum Norðurslóða verður á setningarfundinum kynnt af Virginijus Sinkevicius sem er ráðherra Evrópusambandsins um málefni umhverfis, hafs og fiskveiða. Tveir öldungardeildarþingmenn frá Bandaríkjunum, Lisa Murkowski frá Alaska og Sheldon Whitehouse frá Rhode Island, munu einnig á setningarfundinum fjalla um málefni Norðurslóða og loftslagsmál. Einnig mun ný forystusveit Bandaríkjanna í málefnum Norðurslóða, þar á meðal David Balton stjórnandi hinnar nýju Norðurslóðaskrifstofu Hvíta Hússins í Washington D.C., og Mike Sfraga nýr formaður Bandaríska Norðurslóðavísindaráðsins kynna áherslur Biden stjórnarinnar varðandi framtíð Norðurslóða og ræða samskipti Bandaríkjanna við Kína og Rússland í þessum heimshluta. Naaja Nathanielsen, ráðherra, mun kynna stefnu hinnar nýju ríkisstjórnar Grænlands og svara spurningum fyrir hönd hins nýja forsætisráðherra, Múte B. Egede. Málefni Grænlands verða mjög til umfjöllunar en í málstofum verður fjallað sérstaklega um nýlega skýrslu um stöðu Íslands og Grænlands á Nýjum Norðurslóðum. Einnig verður rætt um vaxandi vægi Grænlands á alþjóðavettvangi og um stjórnskipulega framtíð landsins. Á laugardagskvöld lýkur þinginu með svokölluðu Grænlandskvöldi þar sem koma fram grænlenskir listamenn og veitingar og menning Grænlands verða kynnt af Kommuneqarfik Sermersooq, stærsta sveitarfélag heims. Nicola Sturgeon, forsætisráðherra Skotlands flytur ræðu á setningarfundinum. Ræðunnar er beðið með nokkurri eftirvæntingu. Hún verður síðasta stefnumótandi ræðan sem forsætisráðherra Skotlands flytur í aðdraganda loftslagsráðstefnu Sameinuðu Þjóðanna í Glasgow í byrjun nóvember. Þing Hringborðs Norðurslóða er af mörgum þátttakendum nýtt sem undirbúningur undir COP26 fundinn í Glasgow. Fólk á leið í hraðpróf í Hörpu.Vísir/Egill Utanríkisráðherra Danmerkur, Jeppe Kofod, mun fjalla um stöðu danska konungdæmisins á Norðurslóðum og aðstoðarutanríkisráðherra S-Kóreu, Jongmoon Choi, mun flytja ræðu um þátttöku Kóreu á Norðurslóðum. Bárður Á Steig Nielsen lögmaður Færeyja flytur ræðu um stöðu Færeyja á nýjum Norðurslóðum. Allir ofangreindir leiðtogar munu svara spurningum þátttakenda úr sal í kjölfar ávarpa sinna. Þá munu Valery Falkov, ráðherra vísinda í Rússlandi, og Nikolay Korchunov formaður fastafulltrúa Norðurskautsráðsins flytja síðar í dag ávörp um stefnu Rússlands sem formennskulands í Norðurskautsráðinu. Rússland tók við formennsku af Íslandi á ráðherrafundi ráðsins í Reykjavík í maí síðastliðnum. Ísklumpur bráðnar fyrir utan Hörpu. Táknrænt verk.Vísir/Egill Meðal annarra atburða á dagskrá þingsins verður athöfn á morgun. Þá verða afhent verðlaun sem kennd eru við Frederik Paulsen sem um áratuga skeið hefur verið stuðningsmaður vísindarannsókna og samvinnu á heimskautasvæðum jarðar. Stofnað var til verðlaunanna í samvinnu Hringborðs Norðurslóða og Háskóla Norðurslóða. Þeim er ætlað að vera viðurkenning fyrir rannsóknir og frumkvæði sem hafa að meginmarkmiði að bregðast við þeirri vá sem steðjar að vegna loftslagsbreytinga. Verðlaunaupphæðin nemur um 15 milljónum króna. Meðal annarra dagskrárefna verður umfjöllun um framtíð fjárfestinga á Norðurslóðum. Bjarni Benediktsson fjármálaráðherra tekur þátt í þeim umræðum ásamt Scott Minerd fjárfestingastjóra Guggenheim Partners, Hugh Short forstjóra Pt. Capital, sem meðal annars er aðaleigandi Nova og Kea hótela, og Benedikt Gíslasyni bankastjóra Arion banka. Fjallað verður sérstaklega um möguleikann á því að stofna til samstarfs um fjárfestingar á Norðurslóðum og jafnvel um stofnun á sérstökum sjóði sem yrði helgaður Norðurslóðum. Ólafur Ragnar Grímsson, forseti Íslands frá 1996 til 2016, verður í eldlínunni sem fyrr á Arctic Circle.Vísir/Vilhelm Sendiherra Frakklands um málefni heimskautanna, Olivier Poivre d‘Arvor og Michael Mann sendiherra Evrópusambandsins munu ræða samlegðaráhrif af þeirri stefnumótun um málefni heimskautanna sem hefur átt sér stað annars vegar af hálfu franskra stjórnvalda og hins vegar af hálfu Evrópusambandins. Skipuleggjendur og leiðtogar stærsta vísindaleiðangurs á Norðurslóðum MOSAiC munu kynna frumniðurstöður hins sögulega leiðangurs. Tímasetningin hefur gríðarlega þýðingu þar sem hin dramatíska skýrsla IPCC hefur nýlega verið kynnt og einungis tvær vikur þar til loftslagsráðstefna Sameinuðu Þjóðanna COP26 verður haldin í Glasgow. Forsætisráðherra Íslands býður til móttöku ásamt utanríkisráðherra Íslands í kvöld og annað kvöld verður haldin móttaka til heiðurs verðlaunahafa Frederik Paulsen verðlaunanna. Lokadaginn 16. október verður haldið Grænlandskvöld opið öllum þátttakendum. Hringborð Norðurslóða – Arctic Circle er alþjóðlegur vettvangur þar sem saman koma pólitískir leiðtogar, stjórnendur fyrirtækja, sérfræðingar í umhverfismálum, fulltrúar frumbyggja, frumkvöðlar, vísindamenn og fleiri aðilar víðsvegar að úr heiminum. Áætlað er að rúmlega 1200 þátttakendur, frá yfir 50 löndum munu sækja þing Hringborðs Norðurslóða – Arctic Circle í Hörpunni. Það verður því fyrsta stóra fjölþátta alþjóðlega samkoman í Evrópu síðan heimsfaraldurinn hófst.
Harpa Norðurslóðir Hringborð norðurslóða Mest lesið „Það er erfitt að setja sig í hermannagalla í litlu sveitarfélagi” Innlent Gekk fram á dauða seli: „Svona á enginn að gera“ Innlent Svona gæti Sundabraut litið út: Brú eða göng meðal valkosta Innlent Segir Fallon og Meyers næsta: „Gerið þetta NBC!!!“ Erlent „Ævintýralegur ávinningur“ og ráðherra segir auðvelt að sækja um Innlent Piltur stakk mann ítrekað en var sýknaður af tilraun til manndráps Innlent Munu leggja fram vísindalegar sannanir fyrir því að Brigitte sé líffræðilega kona Erlent „Ég er bara eins og ég er og tala bara eins og ég tala“ Innlent „Hver ætlar að fylgjast með því að hann komi ekki til baka?“ Innlent Ráðast á fangaverði og skvetta á þá ýmsum líkamsvessum Innlent Fleiri fréttir Grunaður um að fara inn á heimili fjölskyldu og brjóta þar á barni Ók á vegavinnumann og flúði vettvang Biðla til fólks að taka vel á móti sölumönnum þó svikahrappar séu á ferð Kimmel tekinn af dagskrá: Donald Trump grafi undan lýðræðinu Bókun 35 fór hnökralaust í gegnum fyrstu umræðu en gæti reynt á í næstu Hundruð milljóna vanti: „Þetta er hreint misrétti“ „Hver ætlar að fylgjast með því að hann komi ekki til baka?“ Vítamínmarkaðurinn á Íslandi eins og villta vestrið Tjáir sig um brottvísun Kourani og tekist á um Jimmy Kimmel Tóku fyrstu skóflustungu að næsta áfanga miðbæjarins á Selfossi „Ýtnir og frekir“ útlendingar þykjist heyrnarlausir til að svíkja af fólki fé BSRB fordæmir áform ríkisstjórnar um að skerða réttindi starfsfólks Piltur stakk mann ítrekað en var sýknaður af tilraun til manndráps Hafnir landsins þurfa hátt í hundrað milljarða næstu fimmtán árin Harma áform stjórnvalda sem heimila hækkun gjalda Innan við helmingur segist trúaður Guðjón Ragnar skipaður skólameistari „Ég er bara eins og ég er og tala bara eins og ég tala“ Inga á móti neitunarvaldi sveitarfélaga „Ævintýralegur ávinningur“ og ráðherra segir auðvelt að sækja um Kjósa um sameiningu sveitarfélaganna í lok nóvember og desember Gísli Marteinn „alls ekki“ á leið í framboð Vilja að átján ára fái að kaupa áfengi Ráðherra boðar stórtækar breytingar og Viðskiptaráð vill finna olíu Hafnar kröfu um ógildingu ákvörðunar Skipulagsstofnunar Svona gæti Sundabraut litið út: Brú eða göng meðal valkosta Stefnir í að forystan verði óbreytt Gekk fram á dauða seli: „Svona á enginn að gera“ Vilja byggja nýtt geðsvið við hlið Landspítalans í Fossvogi Íbúar þurfa ekki lengur að sjóða neysluvatn Sjá meira