Innlent

Tveir öflugir skjálftar á Reykjaneshryggnum

Hólmfríður Gísladóttir skrifar
Skjáfltarnir áttu upptök sín á Reykjaneshryggnum.
Skjáfltarnir áttu upptök sín á Reykjaneshryggnum. Veðurstofa Íslands

Tveir nokkuð öflugir skjálftar yfir 3 að stærð urðu á Reykjaneshryggnum undan Reykjanesskaga í gærkvöldi.

Sá stærri varð um klukkan 23 og mældist 3,3 stig. Varð hann á um átta kílómetra dýpi, 7,5 kílómetra vestur af Reykjanestá. 

Seinni skjálftinn, litlu minni, eða 3,2 stig, varð tæpum klukkutíma síðar. Hann var á svipuðu dýpi og átti upptök sín 7,5 kílómetra norðaustur af Eldey. 

Þrír skjálftar stærri en 2 stig hafa síðan fylgt í kjölfarið í nótt og fjöldi minni skjálfta. 

Heldur rólegra virðist hafa verið við Keili, þar sem hrina skjálfta hefur verið síðustu vikur en um hálfþrjú í nótt varð þó einn sem mældist 2,5 stig.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.