Handbolti

Ómar Ingi markahæstur þegar Magdeburg tryggði sér heimsmeistaratitil

Arnar Geir Halldórsson skrifar
Ómar Ingi Magnússon fór á kostum á sinni fyrstu leiktíð í Þýskalandi.
Ómar Ingi Magnússon fór á kostum á sinni fyrstu leiktíð í Þýskalandi. Getty/Uwe Anspach

Tveir íslenskir handknattleiksmenn urðu heimsmeistarar í dag þegar þýska úrvalsdeildarliðið Magdeburg bar sigurorð af spænska stórveldinu Barcelona á HM félagsliða í Sádi Arabíu.

Ómar Ingi Magnússon og Gísli Þorgeir Kristjánsson eru á mála hjá Magdeburg.

Liðin skiptust á að ná forystunni til að byrja með en þegar líða tók á fyrri hálfleikinn náði þýska liðið yfirhöndinni og leiddi með þremur mörkum í leikhléi, 19-16.

Börsungar náðu ekki að rétta hlut sinn í síðari hálfleik og fór að lokum svo að Magdeburg vann öruggan fimm marka sigur, 33-28.

Ómar Ingi lék lykilhlutverk í sóknarleik Magdeburg að venju og endaði leikinn sem markahæsti leikmaður Magdeburg með sjö mörk.

Önnur hægri skytta, Dika Mem, var atkvæðamestur Börsunga með tíu mörk.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.