Viðskipti innlent

Skortur á blóm­káli og brokkolí rakinn til tolla­laga

Þorgils Jónsson skrifar
Skortur hefur verið á ýmsum grænmetistegundum í ár. Blómkál er nánast ófáanlegt og lítið er til af spergilkáli. Þá hefur sellerí verið ófáanlegt að undanförnu. Félag atvinnurekenda biðlar til Alþingsmanna um að breyta búvörulögum til að koma í veg fyrir að slíkt endurtaki sig.
Skortur hefur verið á ýmsum grænmetistegundum í ár. Blómkál er nánast ófáanlegt og lítið er til af spergilkáli. Þá hefur sellerí verið ófáanlegt að undanförnu. Félag atvinnurekenda biðlar til Alþingsmanna um að breyta búvörulögum til að koma í veg fyrir að slíkt endurtaki sig.

Blómkál er nánast ófáanlegt og lítið er til af spergilkáli í matvöruverslunum á Íslandi um þessar mundir að sögn Félags atvinnurekenda (FA).

Á vef félagsins er þessi skortur rakinn til sömu orsaka og landlægur sellerýskortur fyrr í haust, hárra innflutningstolla á innflutt grænmeti á meðan framboð er lítið af innlendri uppskeru. Telur félagið brýnt að vinna bug á skortinum með því að breyta lagaákvæðum sem leggja háa tolla á innflutning á tíma þegar lítið er til af innlendri framleiðslu.

Þar segir einnig að innlendir dreifingaraðilar hafi undanfarna viku fengið innan við 10% upp í pantanir sínar af blómkáli og spergilkáli og ekkert sellerí. Fram til 15. október leggist svo háir tollar á þessar vörur, sem geti valdið tvö- til þreföldun á innkaupsverði þeirra.

Felldu út ákvæði um skortkvóta

Árið 2019 voru felld úr búvörulögum ákvæði sem heimiluðu ráðherra að gefa út svokallaðan skortkvóta ef innlenda framleiðslu vantar á markaðinn. Þess í stað voru skilgreind fastákveðin tímabil, sem flytja má inn viðkomandi vöru, aðallega grænmeti, á lægri eða engum tolli. Tollar leggjast á spergilkál frá 1. júlí til 15. október og á blómkál og sellerí frá 15. ágúst til 15. október.

Félagið segist þá þegar hafa varað við afleiðingunum sem nú hafa komið í ljós.

Samkvæmt þeim upplýsingum FA hefur aflað sér er líklegt að eitthvað verði flutt inn í næstu viku af blómkáli og spergilkáli til að bæta úr brýnum skorti, en ljóst er að varan verður að minnsta kosti tvöfalt dýrari en hún þyrfti að vera vegna hinna háu tolla.

„Varan er ýmist ekki til eða kostar alltof mikið“

„Þetta ástand er augljóslega óviðunandi og bitnar hart á neytendum. Varan er ýmist ekki til eða kostar alltof mikið,“ er haft eftir Ólafi Stephensen framkvæmdastjóra FA.

„Eitt af markmiðum búvörulaga er að nægjanlegt vöruframboð sé ávallt tryggt við breytilegar aðstæður í landinu. Það markmið næst augljóslega ekki eins og lögin eru nú úr garði gerð og blasir við að Alþingi þurfi að breyta þeim. Best væri að það gerðist sem allra fyrst eftir að þing kemur saman í haust.“
Ólafur Stephensen segir þörf á breyting á búvörulögum til að koma í veg fyrir vöruskort.Stöð 2/Arnar

Ólafur bendir á að tollvernd sé í raun ónauðsynleg fyrir þessar vörur, blómkál, spergilkál og sellerí.

„Innlenda uppskeran selst alltaf upp. Neytendur eru reiðubúnir að greiða fyrir hana talsvert hærra verð en fyrir innflutt grænmeti. Það er einfaldlega engin þörf á verndartollum í þessu tilviki.“


Tengdar fréttir

Vonar að ráðherra sjái ljósið

Sellerí er nú víða ófáanlegt í matvöruverslunum og beina innflutningsaðilar sökinni að innflutningstollum sem voru lagðir á sellerí um þarsíðustu mánaðamót. Á sama tíma hefur innlend uppskera gengið illa og íslenskt sellerí skilað sér stopult til verslana.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
EIK
4,92
21
250.264
REGINN
4,86
12
96.042
SVN
3,97
29
126.992
REITIR
3,8
21
353.860
BRIM
2,76
12
138.917

Mesta lækkun dagsins


Félag
Br.%
Fjöldi
Velta*
ORIGO
-1,6
16
77.555
MAREL
-0,67
39
296.789
ICESEA
-0,61
6
6.846
ARION
0
35
351.008
SYN
0
7
105.089
Velkomin á Vísi. Þessi vefur notar vafrakökur. Sjá nánar.