Bein útsending: Hádegisfréttir Bylgjunnar

Gunnar Reynir Valþórsson skrifar 28. september 2021 11:32

Hádegisfréttir Bylgjunnar eru á sínum stað klukkan tólf.

Í hádegisfréttum tökum við stöðuna á óveðrinu sem nú gengur yfir landið en björgunarsveitir hafa þegar verið kallaðar út á Vestfjörðum og á Vopnafirði vegna lausra muna sem hafa verið að fjúka.

Þá hefur fjallvegum víða verið lokað. Við heyrum einnig í Katrínu Jakobsdóttur forsætisráðherra en hún og Bjarni Benediktsson og Sigurður Ingi Jóhannsson hittust í morgun til að ræða grundvöll að áframhaldandi samstarfi ríkisstjórnarflokkanna.

Einnig fylgjumst við áfram með vendingum í Norðvesturkjördæmi þar sem enn er óljóst með niðurstöðu kosningana og tveir frambjóðendu hafa kært framkvæmdina.

Þá verður rætt við Drífu Snædal forseta ASÍ en nú er komið í ljós að eining ríkir um að láta lífskjarasamninginn gilda út samningstímann, jafnvel þótt stjórnvöld hafi ekki efnt öll sín fyrirheit.

Hádegisfréttir Bylgjunnar

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.