Rak eiginmanninn út á gaddinn til að upplifa töfrabragð kjörstjóra Eiður Þór Árnason skrifar 25. september 2021 23:29 Veiran leiddi Dagný Guðjónsdóttur og Viðar Ævarsson í óvenjulegt ævintýri. Aðsend Dagný Guðjónsdóttir þurfti að hafa aðeins meira fyrir því að nýta kosningaréttinn í dag en flestir aðrir. Kjördagur lenti á sjöunda degi einangrunar og áður en hún vissi af var fresturinn til að sækja um heimakosningu runninn út. Eini kosturinn í stöðunni var þá að fara á bílnum niður á Skarfabakka þar sem sýslumaðurinn á höfuðborgarsvæðinu hafði útbúið sérstakan bílakjörstað. Við tók óvenju eftirminnilegur kjördagur en eiginmaður hennar Viðar Ævarsson glímir sömuleiðis við farsóttina. „Við vorum eitthvað að velta því fyrir okkur hvort við ættum að fara tvær ferðir þarna niður eftir því það má enginn vera með þér í bílnum þegar þú ert að kjósa. Við vorum eitthvað að leika okkur með að setja þetta upp og pæla hvort annað okkar ætti að vera í skottinu á meðan hinn kýs,“ segir Dagný í samtali við Vísi. Niðurstaðan varð þó sú að þau færu saman á bílnum en annað þeirra myndi bíða úti á meðan hinn helmingurinn greiddi atkvæði. Ekki var lagt af stað fyrr en búið var að útbúa miða til að upplýsa samborgara um að bílinn væri veirubæli ef þau þyrftu að eiga samskipti við laganna verði eða lentu í árekstri. Þá var lagt af stað. Tveir gátu kosið í einu á Skarfabakka. Dagný Guðjónsdóttir „Ég henti honum út á Skerjagarði og legg svo sjálf af stað í bílaröðina. Svo kem ég að gámi þar sem þú auðkennir þig. Þá rak ég pínulitla ökuskírteinið mitt út í glugga og þakka bara fyrir góða sjón mannsins í gámnum. Svo var þetta eitthvað hálfgert tákn með tali og hann réttir upp blað til að spyrja mig hvort ég væri ein í bílnum.“ Næst var keyrt inn í eitthvað sem Dagný getur best lýst sem „stoðum með segli“ þar sem unglingar sáu um að loka tjaldinu á eftir bílnum. Þar stóð fulltrúi sýslumanns með kjörseðil og hófust látbrögðin á ný. Dagný var sagt að skrifa niður hvaða flokk hún ætlaði að kjósa og hún rak blaðið í rúðuna. Næst vildi kjörstjórinn fullvissa hana um að ekkert væri í umslaginu og að framkvæmdin væri með öllu í samræmi við lög og reglur. „Þetta voru allt ægilegar serimóníur. Þetta var eins og hálfgert töfrabragð þar sem hún sagði: „Sjáðu hér er ekkert og nú er kominn miði!" Mig langaði svo að vera með GoPro myndavél á hausnum í þessum aðstæðum,“ segir Dagný létt í bragði. Reynt var að viðhalda leynd kosninganna. Dagný Guðjónsdóttir Þurfti að bakka út Eftir að kjörstjórinn innsiglaði umslagið var komið að því að bakka út úr tjaldinu en svo óheppilega vildi til að það var einungis opið í annan endann. „Þá er komin bílaröð fyrir aftan þig og einhver gámur þarna. Ég hugsaði bara með mér að það væri pottþétt einhver að fara að keyra á stoðirnar eða á gáminn þar sem fólk er nú misgott að bakka.“ Dagný og bílinn komust þó heil frá því verkefni og þá var komið að því að sækja eiginmanninn sem var að krókna úr kulda standandi á höfninni. „Þá hoppaði ég út úr bílnum og þurfti að bíða þarna á labbinu. Þá komu einhverjir ferðamenn með myndavél gangandi á móti mér og ég tek einhverja stóra sveiga þarna. Svo kláraði hann auðvitað sitt og við fórum heim og hlógum mikið.“ Hjónin vildu gera öllum ljóst að það væri í raun annar farþegi í bílnum. Dagný Guðjónsdóttir Leggur til úrbætur Dagný segir að hún geti ekki neitað því að þessi reynsla hafi verið eftirminnileg og býður sýslumanni nokkrar tillögur að úrbótum. „Ég botna ekki alveg af hverju það var bara opið í annan endann. Auðvitað áttir þú að keyra þarna inn, ganga frá þínu og fara út hinum megin en ekki bakka þarna aftur út þegar það er röð fyrir aftan þig.“ Þá sé undarlegt að ekki hafi verið hægt að leysa bílakosninguna af hólmi árið 2021 með einhverjum rafrænum kosningalausnum á sama tíma og hver einasti maður er kominn með rafræn skilríki. Stórmerkilegur fjandi Dagný er nú á sjöunda degi einangrunar og segir að heilsan hafi verið frekar dapurleg síðustu daga. Það séu vissulega vonbrigði að veiran hafi lagst svo hart á hana þrátt fyrir að vera bólusett. „Þetta er stórmerkilegur fjandi, það er ekki hægt að segja annað.“ Á tímum sem þessum sé þó gott að geta séð húmorinn í óvenjulegum aðstæðum. Faraldur kórónuveiru (COVID-19) Alþingiskosningar 2021 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Forsetavaktin 2024: Hver verður sjöundi forseti lýðveldisins? Innlent Bergvin dæmdur fyrir að áreita þrjár konur Innlent Of þung en annars hraust á Ozempic Innlent Skuldirnar bíði þegar frelsið taki við Innlent Gular viðvaranir á Suðurlandi, Suðausturlandi og Faxaflóa á morgun Innlent Ekki megrunarlyf heldur lyf við offitu Innlent Segja grafalvarlegt mál að fresta atkvæðagreiðslu Innlent Slasaður eftir hestaslys í Ölfusi Innlent Myndband sýnir árás Diddy Erlent „Það er miður að það falli til kostnaður vegna þessa“ Innlent Fleiri fréttir Þungar áhyggjur af þyngdarstjórnunarlyfjum Bergvin dæmdur fyrir að áreita þrjár konur Slasaður eftir hestaslys í Ölfusi Nauðsynlegt að fresta atkvæðagreiðslu um umdeilda verksmiðju Ekki megrunarlyf heldur lyf við offitu Segja grafalvarlegt mál að fresta atkvæðagreiðslu „Það er miður að það falli til kostnaður vegna þessa“ Átök í Ölfusi og offitulyf Ákærður fyrir að pissa daginn eftir Fiskidaginn mikla Gular viðvaranir á Suðurlandi, Suðausturlandi og Faxaflóa á morgun Nauðugur sá kostur að fresta atkvæðagreiðslunni „Engu okkar er boðið að koma þarna og sjá“ Skuldirnar bíði þegar frelsið taki við Of þung en annars hraust á Ozempic Slagsmálahundar afþökkuðu aðstoð lögreglu Útgjöld ríkissjóðs vegna Grindavíkur hátt í hundrað milljarðar Fresta íbúakosningu í Ölfusi um mölunarverksmiðju Lífleg og skrautleg kosningabarátta að mati forsætisráðherra Dregur saman með efstu frambjóðendum Mesta kvika frá því að kvikugangurinn myndaðist Nota sykursýkislyf til að léttast og Rottweilerhundar bjóða í partý Látin móðir ekki dæmd í tugmilljóna lyfjasölumáli sonarins Sendiherra, sveitarstjóri og bæjarstjóri skipuð í nefnd Ætlar alla leið í baráttu fyrir nafninu sínu Stuðningslán með ríkisábyrgð fyrir grindvísk fyrirtæki Skipið leggur úr höfn „Alls ekki svo að við tútturnar séum að taka yfir“ Framkvæmdir hafnar við brú yfir Fjarðarhornsá Segist kallaður „stríðsæsingarmaður“ vegna fyrirhyggju Sjúklingum Landspítala fjölgaði um 4.500 milli ára Sjá meira
Eini kosturinn í stöðunni var þá að fara á bílnum niður á Skarfabakka þar sem sýslumaðurinn á höfuðborgarsvæðinu hafði útbúið sérstakan bílakjörstað. Við tók óvenju eftirminnilegur kjördagur en eiginmaður hennar Viðar Ævarsson glímir sömuleiðis við farsóttina. „Við vorum eitthvað að velta því fyrir okkur hvort við ættum að fara tvær ferðir þarna niður eftir því það má enginn vera með þér í bílnum þegar þú ert að kjósa. Við vorum eitthvað að leika okkur með að setja þetta upp og pæla hvort annað okkar ætti að vera í skottinu á meðan hinn kýs,“ segir Dagný í samtali við Vísi. Niðurstaðan varð þó sú að þau færu saman á bílnum en annað þeirra myndi bíða úti á meðan hinn helmingurinn greiddi atkvæði. Ekki var lagt af stað fyrr en búið var að útbúa miða til að upplýsa samborgara um að bílinn væri veirubæli ef þau þyrftu að eiga samskipti við laganna verði eða lentu í árekstri. Þá var lagt af stað. Tveir gátu kosið í einu á Skarfabakka. Dagný Guðjónsdóttir „Ég henti honum út á Skerjagarði og legg svo sjálf af stað í bílaröðina. Svo kem ég að gámi þar sem þú auðkennir þig. Þá rak ég pínulitla ökuskírteinið mitt út í glugga og þakka bara fyrir góða sjón mannsins í gámnum. Svo var þetta eitthvað hálfgert tákn með tali og hann réttir upp blað til að spyrja mig hvort ég væri ein í bílnum.“ Næst var keyrt inn í eitthvað sem Dagný getur best lýst sem „stoðum með segli“ þar sem unglingar sáu um að loka tjaldinu á eftir bílnum. Þar stóð fulltrúi sýslumanns með kjörseðil og hófust látbrögðin á ný. Dagný var sagt að skrifa niður hvaða flokk hún ætlaði að kjósa og hún rak blaðið í rúðuna. Næst vildi kjörstjórinn fullvissa hana um að ekkert væri í umslaginu og að framkvæmdin væri með öllu í samræmi við lög og reglur. „Þetta voru allt ægilegar serimóníur. Þetta var eins og hálfgert töfrabragð þar sem hún sagði: „Sjáðu hér er ekkert og nú er kominn miði!" Mig langaði svo að vera með GoPro myndavél á hausnum í þessum aðstæðum,“ segir Dagný létt í bragði. Reynt var að viðhalda leynd kosninganna. Dagný Guðjónsdóttir Þurfti að bakka út Eftir að kjörstjórinn innsiglaði umslagið var komið að því að bakka út úr tjaldinu en svo óheppilega vildi til að það var einungis opið í annan endann. „Þá er komin bílaröð fyrir aftan þig og einhver gámur þarna. Ég hugsaði bara með mér að það væri pottþétt einhver að fara að keyra á stoðirnar eða á gáminn þar sem fólk er nú misgott að bakka.“ Dagný og bílinn komust þó heil frá því verkefni og þá var komið að því að sækja eiginmanninn sem var að krókna úr kulda standandi á höfninni. „Þá hoppaði ég út úr bílnum og þurfti að bíða þarna á labbinu. Þá komu einhverjir ferðamenn með myndavél gangandi á móti mér og ég tek einhverja stóra sveiga þarna. Svo kláraði hann auðvitað sitt og við fórum heim og hlógum mikið.“ Hjónin vildu gera öllum ljóst að það væri í raun annar farþegi í bílnum. Dagný Guðjónsdóttir Leggur til úrbætur Dagný segir að hún geti ekki neitað því að þessi reynsla hafi verið eftirminnileg og býður sýslumanni nokkrar tillögur að úrbótum. „Ég botna ekki alveg af hverju það var bara opið í annan endann. Auðvitað áttir þú að keyra þarna inn, ganga frá þínu og fara út hinum megin en ekki bakka þarna aftur út þegar það er röð fyrir aftan þig.“ Þá sé undarlegt að ekki hafi verið hægt að leysa bílakosninguna af hólmi árið 2021 með einhverjum rafrænum kosningalausnum á sama tíma og hver einasti maður er kominn með rafræn skilríki. Stórmerkilegur fjandi Dagný er nú á sjöunda degi einangrunar og segir að heilsan hafi verið frekar dapurleg síðustu daga. Það séu vissulega vonbrigði að veiran hafi lagst svo hart á hana þrátt fyrir að vera bólusett. „Þetta er stórmerkilegur fjandi, það er ekki hægt að segja annað.“ Á tímum sem þessum sé þó gott að geta séð húmorinn í óvenjulegum aðstæðum.
Faraldur kórónuveiru (COVID-19) Alþingiskosningar 2021 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Forsetavaktin 2024: Hver verður sjöundi forseti lýðveldisins? Innlent Bergvin dæmdur fyrir að áreita þrjár konur Innlent Of þung en annars hraust á Ozempic Innlent Skuldirnar bíði þegar frelsið taki við Innlent Gular viðvaranir á Suðurlandi, Suðausturlandi og Faxaflóa á morgun Innlent Ekki megrunarlyf heldur lyf við offitu Innlent Segja grafalvarlegt mál að fresta atkvæðagreiðslu Innlent Slasaður eftir hestaslys í Ölfusi Innlent Myndband sýnir árás Diddy Erlent „Það er miður að það falli til kostnaður vegna þessa“ Innlent Fleiri fréttir Þungar áhyggjur af þyngdarstjórnunarlyfjum Bergvin dæmdur fyrir að áreita þrjár konur Slasaður eftir hestaslys í Ölfusi Nauðsynlegt að fresta atkvæðagreiðslu um umdeilda verksmiðju Ekki megrunarlyf heldur lyf við offitu Segja grafalvarlegt mál að fresta atkvæðagreiðslu „Það er miður að það falli til kostnaður vegna þessa“ Átök í Ölfusi og offitulyf Ákærður fyrir að pissa daginn eftir Fiskidaginn mikla Gular viðvaranir á Suðurlandi, Suðausturlandi og Faxaflóa á morgun Nauðugur sá kostur að fresta atkvæðagreiðslunni „Engu okkar er boðið að koma þarna og sjá“ Skuldirnar bíði þegar frelsið taki við Of þung en annars hraust á Ozempic Slagsmálahundar afþökkuðu aðstoð lögreglu Útgjöld ríkissjóðs vegna Grindavíkur hátt í hundrað milljarðar Fresta íbúakosningu í Ölfusi um mölunarverksmiðju Lífleg og skrautleg kosningabarátta að mati forsætisráðherra Dregur saman með efstu frambjóðendum Mesta kvika frá því að kvikugangurinn myndaðist Nota sykursýkislyf til að léttast og Rottweilerhundar bjóða í partý Látin móðir ekki dæmd í tugmilljóna lyfjasölumáli sonarins Sendiherra, sveitarstjóri og bæjarstjóri skipuð í nefnd Ætlar alla leið í baráttu fyrir nafninu sínu Stuðningslán með ríkisábyrgð fyrir grindvísk fyrirtæki Skipið leggur úr höfn „Alls ekki svo að við tútturnar séum að taka yfir“ Framkvæmdir hafnar við brú yfir Fjarðarhornsá Segist kallaður „stríðsæsingarmaður“ vegna fyrirhyggju Sjúklingum Landspítala fjölgaði um 4.500 milli ára Sjá meira