Erlent

Norð­menn af­létta nær öllum tak­mörkunum á morgun

Atli Ísleifsson skrifar
Erna Solberg og Bent Høie voru ánægð á fréttamannafundinum í morgun.
Erna Solberg og Bent Høie voru ánægð á fréttamannafundinum í morgun. EPA

Nær öllum takmörkunum vegna faraldurs kórónuveirunnar verður aflétt í Noregi á morgun klukkan 16 að staðartíma.

Erna Solberg forsætisráðherra og Bent Høie heilbrigðisráðherra greindu frá þessu á fréttamannafundi í morgun. 

„Nú getum við lifað, nokkur veginn, eins og við gerðum fyrir faraldurinn,“ sagði Solberg, sem var augljóslega létt. „Ég held þó að allt verði ekki alveg eins og áður. Ég held að kórónuveiran muni áfram hafa áhrif á líf okkar, á góðan og slæman hátt.“

561 dagur er nú liðinn frá því að fyrstu takmörkunum vegna kórónuveirunnar var komið á í Noregi.

Með breytingunni verða engin fjarlægðarmörk og engar sérstakar reglur um fjöldatakmörkunum. Þá þurfa ferðamenn frá ríkjum sem skilgreind eru sem „appelsínugul“, ekki lengur að sæta skyldu um sóttkví.

Þá verða heldur ekki takmarkanir á opnunartíma veitinga- og skemmtistaða.

Faraldur kórónuveiru (COVID-19) Noregur
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið