Viðskipti

Kemur ný inn í stjórn Kaup­hallarinnar

Atli Ísleifsson skrifar
Katrín Olga Jóhannesdóttir viðskiptafræðingur.
Katrín Olga Jóhannesdóttir viðskiptafræðingur. Nasdaq Iceland

Katrín Olga Jóhannesdóttir viðskiptafræðingur hefur verið kjörin ný í stjórn Kauphallarinnar, Nasdaq Iceland.

Í tilkynningu segir að Katrín Olga hafi víðtæka og yfirgripsmikla reynslu úr viðskiptalífinu. 

„Hún hefur gegnt stjórnunarstöðum innan fjölbreyttra fyrirtækja og atvinnugreina í gegnum tíðina, m.a. hjá Símanum og Já, og árið 2019 stofnaði hún ráðgjafarfyrirtækið Kría consulting ehf. 

Katrín Olga hefur mikla reynslu af stjórnarsetu en hún situr nú í stjórn Landsnets, Haga og Eyrir Venture Management, en áður sat hún m.a. í stjórn Icelandair Group og í Bankaráði Seðlabankans. Þá á hún sæti í fjárfestingarráði Akurs framtakssjóðs og situr í háskólaráði Háskólans í Reykjavík. 

Katrín Olga hefur gegnt ýmsum öðrum trúnaðarstörfum, m.a. formennsku í Viðskiptaráði Íslands á árunum 2016-2020, fyrst kvenna og varaformennsku í Samráðsvettvangi um aukna hagsæld á Íslandi.

Katrín Olga er með BS-gráðu í viðskiptum frá Háskóla Íslands og meistaragráðu í viðskiptum frá háskólanum í Óðinsvéum,“ segir í tilkynningunni.

Vistaskipti Kauphöllin


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið