Handbolti

Teitur skoraði fimm í naumu tapi

Hjörtur Leó Guðjónsson skrifar
Selfyssingurinn Teitur Örn Einarsson skoraði fjögur mörk fyrir Kristianstad í dag.
Selfyssingurinn Teitur Örn Einarsson skoraði fjögur mörk fyrir Kristianstad í dag. VÍSIR/EPA

Teitur Örn Einarsson og félagar hans í IFK Kristianstad heimsóttu Redbergslids IK í sænsku úrvalsdeildinni í handbolta í dag. Teitur skoraði fjögur mörk þegar að liðið tapaði með minnsta mun, 30-29.

Nokkuð jafnræði var með liðunum í fyrri hálfleik og þau skiptust á að hafa forystuna. Þegar að flautað var til hálfleiks höfðu heimamenn þó tveggja marka forskot, 17-15.

Leikmenn Redbergslids héldu forskotinu vel allan seinni og náðu mest fjögurra marka forystu í stöðunni 27-23.

Teitur hafði haft fremur hægt um sig lengst af í leiknum, en tvö mörk í röð frá örvhentu skyttuni minnkuðu muninn í eitt mark þegar að um tvær mínútur voru til leiksloka.

Heimamenn héldu þó út og Teitur og félagar þurftu því að sætta sig við eins marks tap, 30-29. Þetta var annar leikur liðanna í deildinni, en Kristianstad er enn í leit að fyrsta sigri tímabilsins eftir jafntefli gegn Savehof í fyrstu umferð.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.