Heimsmarkmiðin

Ný stjórn ungmennaráðs UN Women

Heimsljós
Frá vinstri: Hulda Sif Högnadóttir, Líney Helgadóttir, Gerður Ævarsdóttir, Fönn Hallsdóttir, Védís Drótt Cortez, Sólrún Ásta Reynisdóttir og Erna Benediktsdóttir.
Frá vinstri: Hulda Sif Högnadóttir, Líney Helgadóttir, Gerður Ævarsdóttir, Fönn Hallsdóttir, Védís Drótt Cortez, Sólrún Ásta Reynisdóttir og Erna Benediktsdóttir. Ljósmynd: UN Women

Hlutverk ungmennaráðs er að fræða og efla ungmenni um málefni kvenna og jafnréttis á í fátækari löndum og á átakasvæðum.

Aðalfundur ungmennráðs UN Women á Íslandi fór fram á dögunum. Ný sjö kvenna stjórn var kosin en eingöngu konur buðu sig fram. Ný stjórn ungmennráðsins samanstendur af eftirfarandi: Erna Benediktsdóttir, Fönn Hallsdóttir, Gerður Ævarsdóttir, Hulda Sif Högnadóttir, Líney Helgadóttir, Sólrún Ásta Reynisdóttir og Védís Drótt Cortez.

Hlutverk ungmennaráðs er að fræða og efla ungmenni um málefni kvenna og jafnréttis á í fátækari löndum og á átakasvæðum. Það gera meðlimir ráðsins fyrst og fremst með fræðslu og kynningum í grunn- og framhaldsskólum. Gengið er út frá þeirri stefnu að ungur fræði ungan. En einnig stendur ráðið fyrir vitundarvakningar- og fjáröflunarviðburðum.

Síðastliðið starfsár ungmennaráðsins var með óvenjulegu sniði vegna samkomutakmarkana vegna heimsfaraldursins. Stjórn ráðsins aðlagaði sig fljótt og bauð upp á skólakynningar í gegnum Zoom og Teams. Fjarkynningar voru 24 og samkvæmt frétt á vef UN Women efldi þetta nýja fyrirkomulag fræðslu á landsbyggðinni.

Ný fræðslunefnd eingöngu skipuð strákum, var sett á fót. Markmiðið með því var að jafna kynjahlutföll í skólakynningum. Samfélagsmiðlar ungmennaráðsins blómstruðu í höndum stjórnarinnar með ýmsum liðum, líkt og „femínistar tala“, þar sem fjölbreyttur hópur femínista tók yfir Instagram ungmennráðsins og fjallaði um fjölbreyttar leiðir í femínisma. Á meðal femínista voru Sóley Tómasdóttir, Vilhelm Neto, Ingileif Friðriksdóttir og Sema Erla.

Á aðalfundinum var farið yfir liðið starfsár, fulltrúar aktívistahópsins Antírasistar héldu erindi ásamt aktívistahópnum Öfgum.

Í frétt UN Women er fráfarandi stjórn þökkuð vel unnin störf og nýrri stjórn óskað góðs gengis.

Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.