Skaut fjölskyldu til bana: „Hann er illskan holdi klædd“ Samúel Karl Ólason skrifar 7. september 2021 11:19 Bryan Riley segir guð hafa sagt sér að skjóta fólkið. AP/Fógeti Polk-sýslu Maður sem skaut heila fjölskyldu til bana í Flórída um helgina hefur ekki sagt af hverju hann framdi ódæðið að öðru leyti en að guð hafi sagt honum að gera það. Bryan Riley er sakaður um að hafa myrt par, þriggja mánaða son þeirra og ömmu barnsins á sunnudagskvöldið. Þar að auki skaut hann ellefu ára stúlku sjö sinnum og er hún á sjúkrahúsi í alvarlegu ástandi. Lögreglan segir Riley ekkert hafa sagt um af hverju hann myrti fólkið en þegar hann var handtekinn mun hann hafa sagt lögregluþjónum: „Þið vitið af hverju ég gerði þetta.“ Við yfirheyrslur á hann svo að hafa sagt að fórnarlömb hans hafi „grátbeðið“ hann um að skjóta þau ekki. „Ég drap þau samt,“ sagði Riley samkvæmt Grady Judd, fógeta í Polk-sýslu í Flórída. „Hann er illskan holdi klædd,“ sagði Judd, samkvæmt AP fréttaveitunni. Riley er fyrrverandi hermaður og þjónaði sem leyniskytta í Írak og Afganistan. Hann gafst upp á sunnudagsmorgun eftir umfangsmikinn skotbardaga við lögregluþjóna á heimili fjölskyldunnar sem hann er sakaður um að hafa myrt. Here is the official Polk County Jail mugshot for quadruple homicide suspect 33 yo Bryan Riley, and his charges as listed on the affidavit. He has been booked onto the Polk County Jail and will have a first appearance hearing on Monday, Sept 6th, at 9 am. https://t.co/k2ZtUtfDEh pic.twitter.com/pPEKDNcbdJ— Polk County Sheriff (@PolkCoSheriff) September 6, 2021 Aðdragandi ódæðisins er enn töluvert óljós en samkvæmt Judd veittist Riley að manni sem hét Justice Gleason á laugardagskvöldið. Þá var Gleason að slá grasblett við hús sitt í Lakeland í Flórída. Riley á heima um fimmtíu kílómetra í burtu, í Tampa. Riley sagði Gleason að guð hefði sent hann til að koma í veg fyrir að kona að nafni Amber svipti sig lífi. Gleason hringdi á lögregluna og lögregluþjónn mætti á vettvang. Sá reyndi að finna Riley en án árangurs. Riley sneri þó aftur um nóttina. Hann byrjaði á því að raða glitstöngum fyrir utan heimili Gleason og fjölskyldu hans og myndaði nokkurs konar slóð inn í húsið. Judd segist telja að hann hafi ætlað að laða lögregluþjóna í umsátur þar. Hér má sjá myndefni AP fréttaveitunnar frá því þegar Riley var færður fyrir dómara í gær. Eftir það braut Riley sér leið inn í húsið og hóf skothríð. Lögregluþjónn heyrði skothríðina og þegar fleiri lögregluþjónar komu á vettvang sáu þeir Riley í felulitabúning og hafði hann kveikt í bíl sínum. Hann mun þó hafa verið óvopnaður og hljóp hann aftur inn í húsið. Þá heyrðu lögregluþjónarnir fyrir utan meiri skothríð og konu og barn öskra. Þeir reyndu að komast inn en þeir gátu ekki opnað dyrnar. Þegar þeir reyndu bakdyrnar var Riley þar og var hann þá kominn í skothelt vesti. Þeir skiptust á skotum um tíma þar til Riley gafst upp. CNN segir Riley þó hafa reynt að taka byssu af einum lögregluþjóni. Þá heyrðu lögregluþjónar hjálparköll úr húsinu og einn þeirra hljóp inn og bjargaði ellefu ára stúlku sem hafði verið skotin margsinnis. Riley hafði myrt alla aðra í fjölskyldunni og drepið hund þeirra. More photos from the scene of the quadruple homicide in #Lakeland https://t.co/D6DOaLLc7u pic.twitter.com/KNuIIqNhXh— Polk County Sheriff (@PolkCoSheriff) September 5, 2021 Auk Gleason, sem var 40 ára, dó 33 ára kona, tveggja mánaða gamall drengur og 62 ára kona. Þau fundust öll saman í hnipri þar sem þau höfðu verið skotin. „Ég mun aldrei hætta að sjá móðurina með dáið barnið í fanginu,“ sagði Judd fógeti við blaðamenn. Eins og áður segir liggur tilefni árásarinnar ekki fyrir. Riley var ekki á sakaskrá og starfaði sem öryggisvörður. Kærasta hans segir hann aldrei hafa verið ofbeldishneigðan en hegðun hans hefði orðið undarleg að undanförnu. Hann hefði meðal annars haldið því fram að hann væri í samskiptum við guð. Bandaríkin Skotárásir í Bandaríkjunum Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Þrjátíu ár fyrir árásina á mann þingforsetans Erlent Heyrði mikla skruðninga í Hítárdal fyrir miðnætti á föstudag Innlent Veiðiþjófar stálu frá barni við Hítarvatn Innlent Heimamanna bíður það verkefni að finna nafn á nýja lónið sem er komið til að vera Innlent Helga aðeins 15 mínútur að landa fyrsta laxinum Innlent Hítará hefur fundið sér nýjan farveg Innlent Veiðileyfasali fékk engar bætur dæmdar fyrir þjófnað í Kjarrá Innlent Sigurþór ráðinn framkvæmdastjóri SVFR Innlent Dularfulla minkagildruhvarfið Innlent Allt eftirlit hert vegna veiðiþjófa við Elliðaár Innlent Fleiri fréttir Þrjátíu ár fyrir árásina á mann þingforsetans Segir Rússa ekki hafa í hyggju að taka Kharkív Viðtal á Stöð 2 kveikir upp í færeyskum stjórnmálum Reyndi að kveikja í bænahúsi gyðinga og var skotinn til bana Spánverjar neita skipi með vopn innanborðs um að leggja að bryggju „Einfari“ ákærður fyrir tilræðið við Fico Hver er Robert Fico? Neyðarástandi lýst yfir á Nýju-Kaledóníu eftir miklar óeirðir Ágreiningur innan stjórnarinnar brýst upp á yfirborðið Hægriflokkar ná saman um myndun ríkisstjórnar Samið um kappræður í júní og september Fico ekki talinn í lífshættu Þróun ES-30 flugvélarinnar flutt frá Svíþjóð til Kaliforníu Þetta er vitað um árásarmanninn Biden skorar á Trump Forsætisráðherra Slóvakíu í lífshættu eftir skotárás Þverpólitískar tillögur um viðbrögð vegna gervigreindar FIFA byrjað að vinda ofan af umbótum eftir spillingarhneykslið Fulltrúar Talíbana á ráðstefnu í Ósló Fyrsta opinbera málverkið af konunginum Karli III afhjúpað í gær Gróðureldar ógna olíuvinnslumiðstöð í Kanada Gríðarleg leit gerð að mönnum sem frelsuðu fanga í Frakklandi Skriðdrekar Ísraelshers komnir inn í íbúðahverfi í Rafah Framámaður AfD sektaður fyrir að nota slagorð nasista Vill bjóða NATO að byggja nýjan flugvöll í Færeyjum Þorir að veðja bjór á að hún verði áfram forsætisráðherra Lokað á grein um barnadráp í Bretlandi Drápu fangaverði og hjálpuðu fanga að strjúka „Rússnesku lögin“ samþykkt í Georgíu Bendlaði Trump beint við þagnargreiðslurnar Sjá meira
Þar að auki skaut hann ellefu ára stúlku sjö sinnum og er hún á sjúkrahúsi í alvarlegu ástandi. Lögreglan segir Riley ekkert hafa sagt um af hverju hann myrti fólkið en þegar hann var handtekinn mun hann hafa sagt lögregluþjónum: „Þið vitið af hverju ég gerði þetta.“ Við yfirheyrslur á hann svo að hafa sagt að fórnarlömb hans hafi „grátbeðið“ hann um að skjóta þau ekki. „Ég drap þau samt,“ sagði Riley samkvæmt Grady Judd, fógeta í Polk-sýslu í Flórída. „Hann er illskan holdi klædd,“ sagði Judd, samkvæmt AP fréttaveitunni. Riley er fyrrverandi hermaður og þjónaði sem leyniskytta í Írak og Afganistan. Hann gafst upp á sunnudagsmorgun eftir umfangsmikinn skotbardaga við lögregluþjóna á heimili fjölskyldunnar sem hann er sakaður um að hafa myrt. Here is the official Polk County Jail mugshot for quadruple homicide suspect 33 yo Bryan Riley, and his charges as listed on the affidavit. He has been booked onto the Polk County Jail and will have a first appearance hearing on Monday, Sept 6th, at 9 am. https://t.co/k2ZtUtfDEh pic.twitter.com/pPEKDNcbdJ— Polk County Sheriff (@PolkCoSheriff) September 6, 2021 Aðdragandi ódæðisins er enn töluvert óljós en samkvæmt Judd veittist Riley að manni sem hét Justice Gleason á laugardagskvöldið. Þá var Gleason að slá grasblett við hús sitt í Lakeland í Flórída. Riley á heima um fimmtíu kílómetra í burtu, í Tampa. Riley sagði Gleason að guð hefði sent hann til að koma í veg fyrir að kona að nafni Amber svipti sig lífi. Gleason hringdi á lögregluna og lögregluþjónn mætti á vettvang. Sá reyndi að finna Riley en án árangurs. Riley sneri þó aftur um nóttina. Hann byrjaði á því að raða glitstöngum fyrir utan heimili Gleason og fjölskyldu hans og myndaði nokkurs konar slóð inn í húsið. Judd segist telja að hann hafi ætlað að laða lögregluþjóna í umsátur þar. Hér má sjá myndefni AP fréttaveitunnar frá því þegar Riley var færður fyrir dómara í gær. Eftir það braut Riley sér leið inn í húsið og hóf skothríð. Lögregluþjónn heyrði skothríðina og þegar fleiri lögregluþjónar komu á vettvang sáu þeir Riley í felulitabúning og hafði hann kveikt í bíl sínum. Hann mun þó hafa verið óvopnaður og hljóp hann aftur inn í húsið. Þá heyrðu lögregluþjónarnir fyrir utan meiri skothríð og konu og barn öskra. Þeir reyndu að komast inn en þeir gátu ekki opnað dyrnar. Þegar þeir reyndu bakdyrnar var Riley þar og var hann þá kominn í skothelt vesti. Þeir skiptust á skotum um tíma þar til Riley gafst upp. CNN segir Riley þó hafa reynt að taka byssu af einum lögregluþjóni. Þá heyrðu lögregluþjónar hjálparköll úr húsinu og einn þeirra hljóp inn og bjargaði ellefu ára stúlku sem hafði verið skotin margsinnis. Riley hafði myrt alla aðra í fjölskyldunni og drepið hund þeirra. More photos from the scene of the quadruple homicide in #Lakeland https://t.co/D6DOaLLc7u pic.twitter.com/KNuIIqNhXh— Polk County Sheriff (@PolkCoSheriff) September 5, 2021 Auk Gleason, sem var 40 ára, dó 33 ára kona, tveggja mánaða gamall drengur og 62 ára kona. Þau fundust öll saman í hnipri þar sem þau höfðu verið skotin. „Ég mun aldrei hætta að sjá móðurina með dáið barnið í fanginu,“ sagði Judd fógeti við blaðamenn. Eins og áður segir liggur tilefni árásarinnar ekki fyrir. Riley var ekki á sakaskrá og starfaði sem öryggisvörður. Kærasta hans segir hann aldrei hafa verið ofbeldishneigðan en hegðun hans hefði orðið undarleg að undanförnu. Hann hefði meðal annars haldið því fram að hann væri í samskiptum við guð.
Bandaríkin Skotárásir í Bandaríkjunum Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Þrjátíu ár fyrir árásina á mann þingforsetans Erlent Heyrði mikla skruðninga í Hítárdal fyrir miðnætti á föstudag Innlent Veiðiþjófar stálu frá barni við Hítarvatn Innlent Heimamanna bíður það verkefni að finna nafn á nýja lónið sem er komið til að vera Innlent Helga aðeins 15 mínútur að landa fyrsta laxinum Innlent Hítará hefur fundið sér nýjan farveg Innlent Veiðileyfasali fékk engar bætur dæmdar fyrir þjófnað í Kjarrá Innlent Sigurþór ráðinn framkvæmdastjóri SVFR Innlent Dularfulla minkagildruhvarfið Innlent Allt eftirlit hert vegna veiðiþjófa við Elliðaár Innlent Fleiri fréttir Þrjátíu ár fyrir árásina á mann þingforsetans Segir Rússa ekki hafa í hyggju að taka Kharkív Viðtal á Stöð 2 kveikir upp í færeyskum stjórnmálum Reyndi að kveikja í bænahúsi gyðinga og var skotinn til bana Spánverjar neita skipi með vopn innanborðs um að leggja að bryggju „Einfari“ ákærður fyrir tilræðið við Fico Hver er Robert Fico? Neyðarástandi lýst yfir á Nýju-Kaledóníu eftir miklar óeirðir Ágreiningur innan stjórnarinnar brýst upp á yfirborðið Hægriflokkar ná saman um myndun ríkisstjórnar Samið um kappræður í júní og september Fico ekki talinn í lífshættu Þróun ES-30 flugvélarinnar flutt frá Svíþjóð til Kaliforníu Þetta er vitað um árásarmanninn Biden skorar á Trump Forsætisráðherra Slóvakíu í lífshættu eftir skotárás Þverpólitískar tillögur um viðbrögð vegna gervigreindar FIFA byrjað að vinda ofan af umbótum eftir spillingarhneykslið Fulltrúar Talíbana á ráðstefnu í Ósló Fyrsta opinbera málverkið af konunginum Karli III afhjúpað í gær Gróðureldar ógna olíuvinnslumiðstöð í Kanada Gríðarleg leit gerð að mönnum sem frelsuðu fanga í Frakklandi Skriðdrekar Ísraelshers komnir inn í íbúðahverfi í Rafah Framámaður AfD sektaður fyrir að nota slagorð nasista Vill bjóða NATO að byggja nýjan flugvöll í Færeyjum Þorir að veðja bjór á að hún verði áfram forsætisráðherra Lokað á grein um barnadráp í Bretlandi Drápu fangaverði og hjálpuðu fanga að strjúka „Rússnesku lögin“ samþykkt í Georgíu Bendlaði Trump beint við þagnargreiðslurnar Sjá meira