27 fiska holl í Tungufljóti

Haustið er klárlega tími sjóbirtingsins og veiðimenn sem áttu dræmt laxveiðisumar eru þegar farnir að bera klærnar í laus veiðileyfi í bestu sjóbirtingsánum. Það er af nægu að taka hér á landi í góðri sjóbirtingsveiði en suðausturlandið hefur verið höfuðstaður þessara fiska eins og veiðimenn þekkja.

Þar má finna til dæmis Vatnamótin, Geirlandsá, Sýrlæk, Jónskvísl, Grenlæk, Tungulæk og Tungufljót. Miðað við þann uppgang sem hefur átt sér stað í flestum af þessum ám er spennandi tími framundan þegar sjóbirtingurinn kemur aftur í árnar. Sem dæmi um þetta var holl nýlega að ljúka veiðum í Tungufljóti með 27 fiska en veiðin þar hefur verið vaxandi síðustu ár og stærð fiskana sömuleiðis. Eftir frekar dræmt laxveiðisumar er vonandi gott sjóbirtingstímabil framundan.