Veiði

Ein besta vikan í Veiðivötnum

Karl Lúðvíksson skrifar
Daníel Dagur með 16 punda urriða úr Grænavatni
Mynd: Af vef Veiðivatna, ljósmyndari: Jóhann Ölvir Guðmundsson

Síðasta vika var sú sjötta á veiðitímanum í Veiðivötnum en á þessum tíma vill veiðin oft dragast aðeins saman.

það var þó ekki þannig í þetta skiptið en þessi vika sem leið var besta veiðivikan í veiðivötnum í allt sumar og ein besta sjötta vika í veiði í mörg ár. Samtals veiddust 1.393 fiskar í vötnunum og þar var Litlisjór með bestu veiðina upp á 852 fiska. Köld byrjun sumarsins hefur líklega dregið úr tökugleðinni eins og oft gerist en eftir að það hlýnaði eru vötnin klárlega komin í góðan gír og sýna sínar bestu hliðar.

Fyrir þá sem eiga eftir að kíkja í vötnin í sumar þá eru laus leyfi í ágúst en án gistingar. Aðstaðan á tjaldstæðinu er góð og þess vegna upplagt að koma bara með fellihýsi eða tjald til að njóta góðra daga við vötnin. Þess má geta að skaflinn í Miðmorgunsöldunni er núna horfinn og veiðimenn þess vegna minntir á að taka með sér það sem þarf til að kæla aflann. Stærsti fiskurinn úr vötnunum það sem af er sumri er 16 punda urriði sem veiddist í Grænavatni.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.