Dómarinn færði ekki rök fyrir ákvörðun sinni, samkvæmt frétt Variety.

Jamie Spears hefur farið með forræði yfir dóttur sinni frá árinu 2008. Þau eiga nú í baráttu fyrir dómstólum um forræðið. Dómstóll skipað nýverið sérfræðing til að halda utan um líf Britney á meðan Jaime fer enn með forræði fjármála hennar.

Britney hefur lengi reynt að losna undan forræði föður síns en án mikils árangurs hingað til.

Fjölmiðlar vestanhafs sögðu frá því fyrir helgi að Jamie hefði sagt dómara að engin ástæða væri fyrir því að fella niður forræði hans yfir dóttur sinni. Hann sagði einnig að Jodi Montgomery, áður nefndur sérfræðingur, hafi hringt í sig nýverið og lýst yfir áhyggjum af geðheilsu Briteny.

Því mótmælti Motgomery harðlega og sagði í yfirlýsingu að það væri forræði hans yfir Britney sem væri að valda henni andlegum skaða.

Montgomery sagð rétt að hún hafi rætt geðheilsu Britney við föður hennar. Hún telji hins vegar að það sé hann og forræði hans yfir dóttur sinni sem sé að hafa alvarleg áhrif á geðheilsu Britney.

Þá lagði hún til að fella ætti forræðið niður, eins og hún hefur gert áður.

Mathew Rosengart, nýr lögmaður Britney, hafði farið fram á að réttarhöldunum yrði flýtt á þeim grundvelli að hver dagur væri mikilvægur. Að á hverjum degi sem Jamie færi með fjárræði hennar, væri Britney í uppnámi og tapaði svefni.