Körfubolti

CJ Burks búinn að semja í Úkraínu

Arnar Geir Halldórsson skrifar
CJ Burks hér lengst til vinstri í harðri baráttu.
CJ Burks hér lengst til vinstri í harðri baráttu. Vísir/Hulda Margrét

Körfuknattleiksmaðurinn CJ Burks mun ekki leika með Keflavík í Dominos deildinni í körfubolta á komandi leiktíð.

Hann ku hafa samið við úkraínska úrvalsdeildarliðið Khimik að því er segir á körfuboltavefnum Sportando.

Burks var í stóru hlutverki í liði Keflavíkur sem varð deildarmeistari á síðustu leiktíð með töluverðum yfirburðum.

Ljóst er að Keflavík mun mæta til leiks með þónokkuð mikið breytt lið en á dögunum færði Deane Williams sig um set til Frakklands. Hins vegar er Halldór Garðar Hermannsson genginn til liðs við Keflavík frá Íslandsmeisturum Þórs í Þorlákshöfn.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.