Bíll valt á Þverárfjallsvegi en allir sluppu með skrekkinn

Hallgerður Kolbrún E. Jónsdóttir skrifar 29. júlí 2021 20:11

Nokkrir ökumenn komu fólkinu til aðstoðar en tveir voru um borð í bílnum. Aðsend/Dóra

Bíll valt af Þverárfjallsvegi á Skaga rétt fyrir klukkan sjö í kvöld. Tveir voru í bílnum þegar hann valt, kona og karl frá Þýskalandi. Bæði komust þau sjálf úr bílnum og reyndust heil á húfi.

Að sögn sjónarvottar sem ræddi við fólkið á vettvangi hafði maðurinn sofnað undir stýri en þau voru á leið úr Drangey að keyra vestur til Blönduóss. Maðurinn virtist ómeiddur en hann gat gengið en konan fór af vettvangi með sjúkrabíl.

Sjónvarvottur segir í samtali við fréttastofu að engin töf hafi orðið á umferð. Nokkrir bílstjórar hafi keyrt út í kant og komið fólkinu til aðstoðar en viðbragðsaðilar hafi svo komið stuttu síðar.

Ekki náðist tal af viðbragðsaðilum við vinnslu fréttarinnar.

Skagafjörður Skagaströnd Samgönguslys

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.