Sá sem drap selinn Kostis er í vondum málum

Tryggvi Páll Tryggvason skrifar 26. júlí 2021 14:54

Munkselur í Miðjarðarhafinu, þó ekki Kostis. Tahsin Ceylan / Anadolu Agency

Lögregluyfirvöld í Grikklandi leita nú ljósum logum að þeim sem talinn er hafa drepið selinn Kostis. Selurinn var afar vinsæll og táknmynd grísku eyjunnar Alonissos.

Kostis var af sjaldgæfri tegund munksela en talið er að færri en sjö hundruð séu eftir í hinni villtu náttúru, sem flestir dvelja í grennd við Grikkland. BBC greinir frá.

Kostis var einn af þeim en hann varð afar frægur eftir að sjómaður að nafni Kostis bjargaði honum í miklu óveðri. Varð hann táknmynd eyjunnar Alonissos, en samtök sem hugsuðu um Kostis er hann var kópur segja að hann hafi verið drepinn af stuttu færi með spjótbyssu.

Óska samtökun eftir því að þeir sem veitt geti upplýsingar um þann sem framdi þennan verknað að stíga fram. Þau hyggist kæra þann sem drap Kostis umsvifalaust, er haldgóðar upplýsingar berist.

Hér að neðan má sjá myndband frá árinu 2019, þar sem fjallað var um Kostis.

Dýr Grikkland

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.