Bílar

Rafvæðing framundan hjá Jaguar

Kristinn Ásgeir Gylfason skrifar
Rafbíllinn Jaguar I-Pace hlaut nafnbótina bíll ársins 2020. Hann verður einskonar brúarbíll á milli nútímans og þess sem koma skal hjá Jaguar.
Rafbíllinn Jaguar I-Pace hlaut nafnbótina bíll ársins 2020. Hann verður einskonar brúarbíll á milli nútímans og þess sem koma skal hjá Jaguar. BÍBB/HAG

Framkvæmdastjóri Jaguar Land Rover, Thierry Bolloré hefur uppi miklar áætlanir um að breyta Jaguar í lúxus rafbílaframleiðanda.

Hinn fransk ættaði Thierry Bolloré hefur verið stórtækur í starfi síðan hann tók við í september á síðasta ári. Síðan þá hefur hann stöðvað þróun og vinnu við XJ, sem átti að verða nýjasta verkefni Jaguar. Hann hefur skipt um stefnu og ákveðið að einbeita kröftum félagsins og starfsfólks þess að rafbílaþróun sem er talsvert langt frá kjarna Jaguar.

Thierry Bollore.

Ráðning Bolloré kom flestum á óvart, meira að segja Financial Times sem státar sig af því að vera með stórar ráðningar á hreinu, setti Bolloré ekki á lista sem mögulegan framkvæmdastjóra á sínum tíma.

Þegar Bolloré fékk að vita að hann hefði hreppt starfið þá byrjaði hann á því að hitta stjórnendateymi Jaguar Land Rover á fjarfundum. Þegar hann svo mætti til vinnu í september þá ók hann öllum bílum framleiðendanna fyrstu tvo dagana. Hann bauð þá Mike Cross, yfirverkfræðing og upplifunarstjóra Jaguar Land Rover á rúntinn.

„Jaguar? Það var skaddað sem félag. Bílarnir voru frábærir. Þeir hafa aldrei verið svona góðir. En staðsetning þeirra á markaðnum var ekki viðeigandi,“ sagði Bolloré í samtali við Autocar.

Range Rover.

„Áður en við lítum til Jaguar, þá skulum við skoða Range Rover. Þeir eru verðlagðir mjög vel og við seljum mikið af þeim. Staðsetning þeirra er einstök. Hugmyndin er að gera það sama með Jaguar, þar sem margir þættir skera okkur úr, þá sérstaklega mjög eftirsóttir rafbílar sem smíðaðir eru með hugmyndir um nútíma þægindi að leiðarljósi - horfum fram á við en ekki aftur á bak,“ sagði Bolloré að auki.

Jaguar E-type þykir einn fallegasti bíll sem smíðaður hefur verið.

„Eins og Sir William Lyons sagði, Jaguar er ekki eftirmynd neins. Þegar E-týpan var kynnt, hafði enginn geta séð fyrir hvílíka hönnun. Við munum nota sömu sjónarmið. Við munum bjóða frábæra hönnun, tækni og mikla fágun. Með nýju bílunum viljum við ná svipaðri eftirspunr og Range Rover, með algjörlega ólíkum hönnunum, auðvitað. Við höfum þegar valið hverskonar bíla fjölskyldu við ætlum að hanna.

Meira vill Bolloré ekki láta uppi um framtíðarplön sín og Jaguar Land Rover.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.