Sprengisandur: MeToo, sjávarauðlindin og samgöngur á höfuðborgarsvæðinu

Óttar Kolbeinsson Proppé skrifar 11. júlí 2021 09:49

Þjóðmálaþátturinn Sprengisandur er á dagskrá á Bylgjunni frá klukkan tíu til tólf í dag. Kristján Kristjánsson fær til sín ýmsa gesti og fer yfir það sem efst er á baugi í samfélaginu hverju sinni.

Fyrsti viðmælandi þáttarins í dag er Árni Mathiesen, stjórnarformaður Betri samgangna, sem mun ræða uppbyggingaráform í samgöngum á höfuðborgarsvæðinu næstu 15 árin.

Inga Sæland, formaður Flokks fólksins, mætir og leggur mat á pólitíkina, helstu mál fyrir haustið og stöðu eigins flokks.

Pétur Hafsteinn Pálsson, framkvæmdastjóri útgerðarfyrirtækisins Vísis í Grindavík, og Daði Már Kristófersson, varaformaður Viðreisnar, kíkja því næst í þáttinn til að ræða réttu aðferðina til að tryggja þjóðinni réttmæta hlutdeild í sjávarauðlindinni.

Að lokum ræða þær Ingibjörg Dögg Kjartansdóttir, ritstjóri Stundarinnar, og Aðalheiður Ámundadóttir, blaðamaður Fréttablaðsins, um MeToo-byltinguna og þá umræðu sem hefur farið fram síðustu daga og vikur um kynferðisofbeldi.

Sprengisandur

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.