Innlent

Flugumferðarstjórum sagt upp vegna gruns um nauðgun

Sunna Karen Sigurþórsdóttir skrifar
Mennirnir tveir eru reynslumiklir flugumferðarstjórar á fimmtugsaldri. Þeir voru í fyrstu færðir til í starfi en að lokum sagt upp vegna alvarleika málsins.
Mennirnir tveir eru reynslumiklir flugumferðarstjórar á fimmtugsaldri. Þeir voru í fyrstu færðir til í starfi en að lokum sagt upp vegna alvarleika málsins. Vísir/Vilhelm

Tveimur flugumferðarstjórum hefur verið sagt upp störfum hjá dótturfélagi Isavia, Isavia ANS, vegna gruns um að hafa nauðgað nemanda í flugumferðarstjórn. Starfsmannafundir hafa verið haldnir vegna málsins.

Mönnunum tveimur var sagt upp í síðustu viku en þeir hafa verið til rannsóknar hjá lögreglu vegna gruns um að hafa beitt unga konu kynferðisofbeldi eftir skemmtun starfsmanna í júní á síðasta ári. Konan er tvítugur nemandi í flugumferðarstjórn og mennirnir tveir reynslumiklir flugumferðarstjórar á fimmtugsaldri.

Rannsókn lögreglu er lokið og var málið sent til héraðssaksóknara, þar sem það var fellt niður vegna skorts á sönnunargögnum. Sú niðurstaða var hins vegar kærð og er málið nú á borði ríkissaksóknara.

Isavia staðfestir í skriflegu svari til fréttastofu að mönnunum tveimur hafi verið sagt upp. Þá segir að þeir hafi í fyrstu verið færðir til í starfi en í ljósi alvarleika málsins hafi þeim verið sagt upp störfum.

Heimildir fréttastofu herma að atvikið hafi átt sér stað í kjölfar bjórkvölds hjá stéttarfélagi flugumferðarstjóra í júní í fyrra og að konan hafi leitað á bráðamóttöku Landspítalans í beinu framhaldi.

Starfsmannafundir hafa verið haldnir í vikunni vegna málsins og fleiri fundir eru á dagskrá hjá Isavia ANS í dag og á morgun. Isavia segir að hlutaðeigandi hafi verið boðin sálfræðiaðstoð.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.