Systurnar þrjár voru á ferð saman á fjallinu þegar eldingunni laust niður. Myndin er úr safni og tengist fréttinni ekki beint.Getty
Lögregla í Noregi greindi frá því í morgun að þær sem létust eftir að hafa orðið fyrir eldingu á fjallinu Melshornet í Noregi í gær hafi verið systur, tólf og átján ára gamlar.
Systurnar Benedicte, átján ára, og Victoria Myrset, tólf ára, komu frá höfuðborginni Osló, að því er segir í frétt VG.
Systurnar urðu fyrir eldingu síðdegis í gær á fjallinu Melshornet sem er að finna í Hareid í Mæri og Raumsdal á vesturströnd landsins.
Með hinum látnu var einnig þriðja systirin sem slasaðist og var lögð inn á Haukeland háskólasjúkrahúsið. Ekki hefur fengist upp gefið um ástand hennar.
Þrjár konur urðu fyrir eldingu á fjallinu Melshornet í sveitarfélaginu Hareid í Mæri og Raumsdal í dag. Tvær eru látnar og þriðja konan liggur þungt haldin á spítala.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
