Erlent

Krefjast milljarða til leysa gögn úr haldi

Kjartan Kjartansson skrifar
Sænska verslanakeðjan Coop þurfti að loka hundruðum verslana þegar kassakerfi þess læstist vegna gíslatökuforritsins um helgina.
Sænska verslanakeðjan Coop þurfti að loka hundruðum verslana þegar kassakerfi þess læstist vegna gíslatökuforritsins um helgina. Vísir/EPA

Tölvuþrjótar sem tóku gögn hundraða fyrirtækja víða um heim í gíslingu fyrir helgi krefjast nú jafnvirði um 8,7 milljarða króna í lausnargjald. Sænska verslanakeðjan Coop þurfti að loka hundruðum verslana sinna þegar kassakerfi þeirra læstist.

Árás með svokölluðu gagnagíslatökuforriti (e. ransomware) sem var gerð á bandaríska upplýsingatæknifyrirtækið Kaseya á föstudag hefur haft áhrif í á öðrum tug landa. Þrjótarnir komust inn í tölvukerfi Kaseya og þaðan í kerfi viðskiptavina fyrirtækisins. Læstust þá tölvur hundraða fyrirtækja og stofnana, þar á meðal skóla, samvinnubanka og lítilla ríkisstofnana.

Sérfræðingar telja að rússnesku tölvuþrjótasamtökin REvil standi að gíslatökunni. Í yfirlýsingu sem birtist á bloggsíðu sem samtökin nota á svonefndu djúpneti kröfðust þau sjötíu milljóna dollara, jafnvirði um 8,7 milljarða króna.

Talsmaður Kaseya sagði Reuters að fyrirtækið vissi af lausnargjaldskröfunni en gaf ekkert út um hvort að það yrði greitt.

Tölvuárásir Bandaríkin Rússland
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið