Loftrýmisgæsla hefst í næstu viku

Árni Sæberg skrifar 2. júlí 2021 13:33

F-15 þotur verða notaðar við loftrýmisgæsluna. Landhelgisgæsla Íslands

Loftrýmisgæsla Atlantshafsbandalagsins við Ísland er að hefjast með komu flugsveitar bandaríska flughersins.

Rúmlega eitt hundrað liðsmenn bandaríska flughersins taka þátt í gæslunni ásamt starfsmönnum í stjórnstöðvum Atlantshafsbandalagsins í Uedem, Þýskalandi og á öryggissvæðinu á Keflavíkurflugvelli.

Flugsveitin kemur til landsins eftir helgi með fjórar F-15 orrustuþotur og hefur aðsetur á öryggissvæðinu á Keflavíkurflugvelli.

Gert er ráð fyrir aðflugsæfingum að varaflugvöllum á Akureyri og Egilsstöðum á tímabilinu sjöunda til fjórtánda júlí.

Líkt og með annan erlendan liðsafla sem dvelur tímabundið hér á landi er í gildi viðbúnaður vegna sóttvarna meðan á dvöl bandarísku flugsveitarinnar stendur. Framkvæmdin er unnin í samvinnu við embætti landlæknis og aðra er að sóttvörnum koma hér á landi.

Landhelgisgæsla Íslands annast framkvæmd verkefnisins í umboði utanríkisráðuneytisins í samvinnu við Isavia. Loftrýmisgæslan stendur út júlímánuð.

NATO Fréttir af flugi Bandaríkin Þýskaland Landhelgisgæslan Varnarmál

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.