Körfubolti

Írskur landsliðsmaður fylgdi Arnari á Krókinn

Sindri Sverrisson skrifar
Taiwo Badmus er nýjasti liðsmaður Tindastóls.
Taiwo Badmus er nýjasti liðsmaður Tindastóls. Tindastóll

Körfuknattleiksdeild Tindastóls heldur áfram að semja við leikmenn og hefur tryggt sér krafta Taiwo Badmus á næstu leiktíð.

Badmus er írskur landsliðsmaður. Hann verður 28 ára gamall á laugardaginn og er tveggja metra framherji, samkvæmt tilkynningu Tindastóls.

Badmus lék í bandaríska háskólakörfuboltanum með Fairmont State og Virginia Wise en hefur síðustu tímabil leikið í næstefstu og þriðju efstu deild Spánar.

Badmus og Sigtryggur Arnar Björnsson léku saman með Básquet Coruna í lok síðustu leiktíðar, í næstefstu deild Spánar, og þeir verða því áfram liðsfélagar á Sauðárkróki.

Auk Badmus og Arnars hefur Tindastóll fengið til sín Sigurð Gunnar Þorsteinsson eftir síðasta tímabil. Stólarnir höfnuðu í 8. sæti Dominos-deildarinnar og var sópað út af Keflavík í fyrstu umferð úrslitakeppninnar.




Fleiri fréttir

Sjá meira


×