Erlent

Fyrr­verandi for­seti dæmdur í fimm­tán mánaða fangelsi

Atli Ísleifsson skrifar
Jacob Zuma gegndi embætti forseta Suður-Afríku á árunum 2009 til 2018.
Jacob Zuma gegndi embætti forseta Suður-Afríku á árunum 2009 til 2018. EPA

Hæstiréttur í Suður-Afríku hefur dæmt fyrrverandi forseta landsins, Jacob Zuma, í fimmtán mánaða fangelsi.

BBC segir frá þessu, en dómurinn kemur í kjölfar niðurstöðu stjórnlagadómstóls landsins sem fann Zuma sekan fyrir að hafa sýnt dómstólnum óvirðingu þegar hann neitaði að mæta fyrir dómara í tengslum við spillingarrannsókn sem beindist að honum þegar hann gegndi embætti forseta.

Forsetatíð Zuma, sem stóð frá 2009 til 2018, einkenndist af ítrekuðum ásökunum um spillingu. Voru þungavigtarmenn í viðskiptalífi landsins sakaðir um að hafa mútað stjórnmálamönnum og þannig hafa áhrif á stefnumótun stjórnvalda.

Ekki liggur fyrir hvort að handtökuskipun verði nú gefin út á hendur Zuma.

Í síðasta mánuði lýsti Zuma sig saklausan af ákæru um spillingu í öðru máli þar sem hann er sakaður um að hafa óhreint mjöl í pokahorninu í tengslum við fimm milljarða dala vopnasamning sem gerður var á tíunda áratugnum.


Tengdar fréttir

Zuma segist saklaus af spillingu

Jacob Zuma, fyrrverandi forseti Suður-Afríku, lýsti í dag yfir saklausan af spillingu. Réttarhöld gegn honum hófust í morgun en hann hafur verið ákærður fyrir spillingu og fjársvik í sextán liðum fyrir meint brot sem spanna meira en tvo áratugi.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.