Innlent

Með­ferð Dana á hælis­leit­endum og af­glæpa­væðing í Sprengi­sandi

Kjartan Kjartansson skrifar
Sprengisandur hefst eftir fréttir Bylgjunnar klukkan 10:00.
Sprengisandur hefst eftir fréttir Bylgjunnar klukkan 10:00.

Rætt verður um útvistun danskra stjórnvalda á hælisleitendamálum til Afríkulanda, afglæpavæðingu neysluskammta fíkniefna og afstöðu almennings til einkareksturs í heilbrigðiskerfinu í umræðuþættinum Sprengisandi á Bylgjunni í dag.

Sonja Þorbergsdóttir, formaður BSRB, og Þórarinn Guðnason, formaður Læknafélags Reykjavíkur, mætast og ræða nýja könnun á vegum BSRB um afstöðu almennings til heilbrigðiskerfisins. Könnun sem sögð var sýna andstöðu við einkarekstur en Þórarinn og hans kollegar segja markleysu og að niðurstöðurnar skipti engu.

Kristrún Heimisdóttir lögfræðingur kemur og ræðir nýja grein sína í Tímariti lögfræðinga þar sem hún færir sterk rök fyrir því að allt ferlið í kringum samþykkt nýrrar stjórnarskrár eftir hrun hafi verið meingallað og hafi aldrei getað skilað því sem til stóð.

Sigmundur Davíð Gunnlaugsson og Logi Einarsson mætast og rökræða hugmyndir Mette Fredrikssen, jafnaðarforingja í Danmörku, sem nú hefur komið því í kring að hælisleitendur bíði svara við umsóknum sínum í búðum fjarri Danmörku. Gróf stefnubreyting af hálfu jafnaðarmanna vilja margir meina.

Halldóra Mogensen, upphafskona að frumvarpi um afglæpavæðingu neysluskammta fíkniefna, rökræðir þá hugmynd við Rafn Jónsson, verkefnisstjóra áfengis- og vímuvarna hjá landlækni.

Sprengisandur hefst beint á eftir fréttum Bylgjunnar klukkan 10:00.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.