Innlent

Í farbanni vegna mannslátsins í Kópavogi

Kolbeinn Tumi Daðason skrifar
Lögreglustöðin Hverfisgötu
Lögreglustöðin Hverfisgötu Foto: Vilhelm Gunnarsson/Vilhelm Gunnarsson

Karlmaður á þrítugsaldri verður gert að sæta áframhaldandi farbanni næstu átta vikurnar að kröfu lögreglu. Maðurinn hefur stöðu sakbornings í rannsókn á mannsláti í Vindakór í Kópavogi í byrjun apríl.

Rannsókn málsins miðar vel að því er fram kemur í tilkynningu frá lögreglu. Þar segir að ekki sé hægt að veita frekari upplýsingar að svo stöddu.

Kærasta hins látna kom að honum í sárum sínum fyrir utan heimili þeirra í Vindakór í Kópavogi á föstudeginum langa. hann lést af áverkunum en talið er að bíl hafi verið ekið á hann. 

Maðurinn sem er með stöðu sakbornings var ypphaflega úrskurðaður í gæsluvarðhald á páskadag, en það rann svo út 9. apríl. Hann var þá úrskurðaður í fjögurra vikna farbann sem rann út í dag.

Verjandi mannsins tjáði Vísi í apríl að skjólstæðingur sinn héldi því fram að um slys hafi verið að ræða og lýsti hann málinu sem harmleik.


Tengdar fréttir

Einn úrskurðaður í gæsluvarðhald

Karlmaður á þrítugsaldri var í Héraðsdómi Reykjaness í dag úrskurðaður í fimm daga gæsluvarðhald í tengslum við alvarlega líkamsárás við Vindakór í Kópavogi á föstudag, sem leiddi til andláts íslensks karlmanns um þrítugt.

Grunur leikur á að bíl hafi verið ekið á manninn

Lögregla hyggst gera kröfu um gæsluvarðhald yfir erlendum karlmanni sem grunaður er um árás við Vindakór í Kópavogi á föstudag. Íslenskur karlmaður fæddur árið 1990 lést af völdum áverka sinna í gær, en grunur leikur á að bíl hafi verið ekið á manninn.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.