Tíska og hönnun

HAF hjónin völdu brass og marmara fyrir nýja verslun Laugar Spa

Sylvía Rut Sigfúsdóttir skrifar
World Class opnaði í vikunni nýja verslun og sína átjándu stöð.
World Class opnaði í vikunni nýja verslun og sína átjándu stöð. Laugar Spa

Fyrsta verslun Laugar Spa Organic Skincare var opnuð fyrr í vikunni í Kringlunni.

Það eru smekklegu HAF hjónin Karitas og Hafsteinn sem eiga heiðurinn af hönnun verslunarinnar sem stendur  við hlið World Class við inngang gömlu Borgarkringlunnar, þar sem áður var leikfangaverslun.

„Við hönnunina á rýminu vorum við innblásin af ríkulegum og klassískum arkitektúr sem tekur okkur aftur til Milano og París,“ segir Karitas um hönnunina.

„Rýmið á að endurspegla gæði vörulínunnar og á upplifunin að vera eins og að koma inn á SPA á fínu hóteli. Þess vegna lá efnisvalið nokkuð augljóst fyrir, þar sem Nero Marquina marmari og burstað brass eru allsráðandi.“

Hingað til hafa Laugar Spa vörurnar aðeins verið til sölu á netinu og í World Class stöðvunum, sem nú eru orðnar 18 talsins eftir að þessi nýja stöð í Kringlunni opnaði.

„Laugar Spa Organic Skincare vörurnar eru lífrænar, hreinar og náttúrulegar til þess að fullkomna áhrif og hámarka vellíðan húðarinnar. Allar vörurnar eru unisex, ætlaðar báðum kynum. Vörurnar eru unnar að mestu úr lífrænu grænmeti, ávöxtum og jurtum og er handunnin frá a til ö, sem þýðir að engar vélar komast í tæri við kremin. Laugar Spa línan er án allra kemískra aukaefna og ekki prófaðar á dýrum,“ segir í tilkynningu um nýju verslunina. 

Hér fyrir neðan má sjá nokkrar myndir af hönnun HAF hjónanna. 

Brass búðarborð er staðsett úti á miðju gólfi.Laugar Spa
Neon skilti setja svip á búðargluggann.Laugar Spa
Vaskurinn er einstaklega smekklegur og öðruvísi.Laugar Spa

Tengdar fréttir

Karitas og Hafsteinn innréttuðu íbúðir við Sjónarveg

Hönnunarhjónin Karitas Sveinsdóttir og Hafsteinn Júlíusson, eigendur HAF Store og HAF Studio, innréttuðu á dögunum íbúðir við Sjónarveg í Urriðaholti. Leitast var við að hafa létt, hlýlegt og klassískt yfirbragð á íbúðunum.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.