Handbolti

Oddur markahæstur í tapi og Göppingen misstigu sig

Hjörtur Leó Guðjónsson skrifar
Oddur Grétarsson skoraði fimm mörk fyrir HBW Balingen-Weilstetten
Oddur Grétarsson skoraði fimm mörk fyrir HBW Balingen-Weilstetten Peter Niedung/NurPhoto via Getty Images

Oddur Grétarsson og félagar hans í HBW Balingen-Weilstetten steinlágu fyrir Kiel í þýsku úrvalsdeildinni í handbolta í dag. Lokatölur 22-33, en Niclas Ekberg lék á alls oddi í liði Kiel.

Oddur skoraði fimm mörk þegar Kiel kíkti í heimsókn í dag. Weilstetten áttu þó við ofurefli að etja og 11 marka tap því staðreynd. Niclas Ekberg skoraði 12 mörk í liði gestanna sem tróna á toppi þýsku deildarinnar.

Alexander Petersson og Arnór Þór Gunnarsson mættust í Íslendingaslag þegar Bergischer heimsótti Flensburg. Arnór Þór skoraði þrjú mörk fyrir Bergischer, en Alexander stóð uppi sem sigurvegari. Lokatölur 29-22 og Flensburg fylgir fast á hæla Kiel í öðru sæti.

Gunnar Steinn Jónsson og félagar í Göppingen misstigu sig þegar þeir fengu Nordhorn-Lingen í heimsókn. Nordhorn í 18. sæti deildarinnar, en Göppingen í því fimmta. Göppingen bjargaði stigi á lokamínútunni, en lokatölur 26-26.

Gunnar Steinn komst ekki á blað og Janus Daði lék ekki með liðinu vegna meiðsla.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.