Enski boltinn

Martial gæti verið frá út tímabilið

Hjörtur Leó Guðjónsson skrifar
Anthony Martial gæti verið frá út tímabilið.
Anthony Martial gæti verið frá út tímabilið. Marc Atkins/Getty Images

Ole Gunnar Solskjaer, þjálfar Manchester United, segir að framherjinn Anthony Martial gæti verið frá út tímabilið. Martial meiddist í landsleikjahléinu í seinustu viku.

Þessi 25 ára framherji Manchester United og franska landsliðsins spilaði fyrir land sitt gegn Úkraínu og Kasakstan í seinustu viku áður en hann meiddist á hné.

„Að missa Anthony út tímabilið eru mikil vonbrigði,“ sagði Solskjaer. „Fréttirnar frá Frakklandi voru að þetta væri ekki alvarlegt en þetta lítur illa út.“

„Við vonum að hann snúi aftur áður en tímabilið klárast en við getum ekki verið viss,“ bætti Solskjaer við.

Martial hefur skorað sjö mörk fyrir United á tímabilinu, en aðeins þrjú í 19 leikjum á árinu 2021.

Enski boltinn

Mest lesið


Fleiri fréttir

Sjá meira


×

Mest lesið