Gæti orðið Hafnarfjarðarslagur í sextán liða úrslitum bikarsins

Það var dregið í bæði sextán liða og átta liða úrslit Coca Cola bikars karla og kvenna í handbolta í dag þar sem leikirnir í þessum tveimur umferðum fara fram á fjórum dögum í apríl.

Haukar og Selfoss eiga eftir að mætast í fyrstu umferð bikarsins en sigurvegarinn úr þeim leik mætir FH í sextán liða úrslitunum. Það er líka ljóst að þau lið sem klára þetta, Haukar, Selfoss eða FH, mæta sigurvegaranum úr leik Vals og Víkinga í átta liða úrslitunum.

Það eru fleiri Olís deildar leikir í sextán liða úrslitunum hjá körlunum því Grótta dróst á móti Stjörnunni og Afturelding fær ÍBV í heimsókn.

Hjá konum fær HK lið Vals í heimsókn en annars eru lið í Grill deildinni að mæta liðum ó Olís deildinni.

Það má sjá alla leikina hér fyrir neðan.