„Ég tók á móti henni sitjandi á klósettinu“ Sylvía Hall skrifar 17. mars 2021 21:50 Guðríður Jónsdóttir Bachmann eignaðist dóttur sína þann 31. janúar. Vísir Guðríður Jónsdóttir Bachmann er 28 ára tveggja barna móðir sem starfar í gleraugnaversluninni Pro Optik. Hún er í sambandi með Tómasi Óla Björgvinssyni og eignuðust þau börnin með stuttu millibili. Jökull Smári Tómasson kom í heiminn í desember 2019 og síðan fæddist hún Bergþóru Líf Tómasdóttir þann 31. janúar á þessu ári. Seinni fæðingin var óvenjuleg og tók vægast sagt stuttan tíma, en Bergþóra sagði fæðingarsögu sína í Íslandi í dag í kvöld. „Ég fer að sofa á laugardagskvöldinu og vakna upp um tvö við það að ég er farin að fá smá verki. Þar sem fyrri fæðingin mín tók tæpa 29 tíma og var ekkert að stressa mig á þessu. Ég náði að anda mig rosalega vel í gegnum verkina og fer bara fram, fæ mér verkjatöflu og vatn, fer aftur upp í rúm og næ að dotta,“ segir Guðríður. „Síðan vakna ég upp klukkan fimm við það að ég er að missa vatnið og hleyp fram á bað. Dóttir mín mætir tuttugu mínútum seinna.“ „Ekki setja hana ofan í klósettið samt“ Guðríður segir alls ekki hafa búist við því að fæðingin tæki svo stuttan tíma í ljósi þess hversu langan tíma fyrsta fæðingin tók. Sonur hennar hafi ekki komið í heiminn fyrr en eftir rúman sólarhring og í ljósi gildandi takmarkana vegna kórónuveirufaraldursins hafi hún ekki ætlað niður á fæðingardeild fyrr en í virkri fæðingu þegar maki má vera með. Þegar á sjúkrahúsið var komið fengu þær mæðgur strax fulla skoðun og 10 í einkunn.Vísir Hún segir það hafa komið sér á óvart hversu róleg hún var í fæðingunni, en það hafi allt gerst mjög hratt. Hún hafi fundið að verkirnir urðu strax meiri þegar hún var komin inn á bað og stuttu síðar áttaði hún sig á því að barnið væri að koma. Eina sem hún hafi hugsað um var að grípa dóttur sína. „Ég get ekki einu sinni kallað á manninn minn að koma fram. Svo finnst mér ég bara þurfa að fara á klósettið og sest niður og þá kemur rembingsþörfin svona svakalega. Ég byrja bara að láta eftir henni og rembast með. Eitthvað hefur gerst vegna þess að hann vaknar við eitthvað hljóð í mér, heldur að ég sé að æla og kemur fram og þá er kollurinn kominn,“ segir Guðríður. Tómas hafi því hringt í Neyðarlínuna á meðan Guðríður átti barnið á klósettinu. „Ég finn að það kemur þessi kollhríð og ég fer með höndina og finn að það er kominn kollur. Svo kemur næsta og þá kemur höfuðið og ég held bara við það og búkurinn kemur svo í síðasta rembing. Svo já, ég tek á móti henni sitjandi á klósettinu. Eina sem grey konan hjá Neyðarlínunni gat sagt var að segja: Ekki setja hana ofan í klósettið samt.“ Upptöku af neyðarlínusímtalinu má heyra í viðtalinu hér að neðan. Góð lífsreynsla því það gekk vel Bergþóra Líf fæddist með naflastrenginn utan um hálsinn og fengu þau leiðsögn neyðarvarðar Neyðarlínunnar eftir að stúlkan var fædd. Hún hafi átt erfitt með að anda fyrst um sinn en sjúkraflutningamenn hafi verið fljótir á vettvang og gripið til viðeigandi ráðstafana. Tómas hafi því lítið náð að hjálpa þar sem allt gekk svo hratt fyrir sig. „Hann kemur ekkert að fyrr en það er kallað á hann til þess að klippa naflastrenginn.“ Hún segir heilt yfir fæðinguna hafa tekið fimm mínútur frá því að hún missir vatnið og þar til Bergþóra Líf var komin í heiminn. Þegar á sjúkrahúsið var komið fengu þær mæðgur strax fulla skoðun og 10 í einkunn og voru sendar heim á hádegi. „Það eru allir í raun hissa hvað þetta tókst vel og hvað við vorum róleg.“ Börn og uppeldi Ísland í dag Mest lesið „Ég hef aldrei reynt að verða nokkur skapaður hlutur“ Tónlist Segir hjálminum að þakka að hann sé á lífi Lífið Lofar svakalegri veislu Tónlist Krakkatían: Níu líf, karfan og víkingar Lífið „Þetta er enginn helvítis félagskvíði, það bara þolir mig enginn“ Áskorun Hvers vegna tölum við um bongóblíðu? Lífið Fékk skyndihugmynd og er nú í blómahafi heima fyrir Lífið Heiður Ósk og Davíð eru nýtt par Lífið Fréttatía vikunnar: Skúlptúrar, ráðherrarifrildi og EM Lífið Tengdasonur Íslands trúðaði Simon Cowell upp úr skónum Bíó og sjónvarp Fleiri fréttir Segir hjálminum að þakka að hann sé á lífi Krakkatían: Níu líf, karfan og víkingar Hvers vegna tölum við um bongóblíðu? Tólf klukkustunda gjörningur í Hörpu í dag Torfbærinn í Vesturbænum sem stóð fram á níunda áratuginn Bubbi hrærður: Trúir því að Níu líf muni á endanum vakna að nýju Fréttatía vikunnar: Skúlptúrar, ráðherrarifrildi og EM Arnar Þór selur Arnarneshöllina Á 90 þúsund servíettur í Hafnarfirði Heiður Ósk og Davíð eru nýtt par Fékk skyndihugmynd og er nú í blómahafi heima fyrir Einstakur Fender Telecaster í Hljóðfærahúsinu Fólk ferðist alla leið frá Ástralíu til að sækja Víkingahátíðina Tignarleg miðbæjaríbúð Helgu Ólafs til sölu Íslensk lopapeysa flutt milli heimsálfa vegna mestu eftirsjár ævinnar Breytti hænsnahúsi í verkstæði sitt Teknóhátíð á Radar alla helgina Enn neisti hjá Bad Bunny og Kendall Jenner Banjóleikari frá Nashville með Baggalúti og Sinfó Hugsar hlýtt til áranna í Los Angeles Aníta Briem og Hafþór eiga von á barni Selur húsið í Garðabæ eftir kaupin á glæsihúsi Ingu Lindar Sjö daga afmælissæla í Reykjanesbæ Þrjú hundruð börn reyna að dorga furðulegasta fiskinn Bara 33 ára og lífið á eftir að koma í ljós Daði keypti hús Jóns Jónssonar með mömmu sinni á yfirverði „Ég væri ekkert án þeirra“ Gekk í tvo tíma að flugvellinum til að komast hjá leigubílagjaldi Friðrik Ómar setur Reykhúsið aftur á sölu og lækkar verðið Linda lætur sér Lindarbraut lynda Sjá meira
Jökull Smári Tómasson kom í heiminn í desember 2019 og síðan fæddist hún Bergþóru Líf Tómasdóttir þann 31. janúar á þessu ári. Seinni fæðingin var óvenjuleg og tók vægast sagt stuttan tíma, en Bergþóra sagði fæðingarsögu sína í Íslandi í dag í kvöld. „Ég fer að sofa á laugardagskvöldinu og vakna upp um tvö við það að ég er farin að fá smá verki. Þar sem fyrri fæðingin mín tók tæpa 29 tíma og var ekkert að stressa mig á þessu. Ég náði að anda mig rosalega vel í gegnum verkina og fer bara fram, fæ mér verkjatöflu og vatn, fer aftur upp í rúm og næ að dotta,“ segir Guðríður. „Síðan vakna ég upp klukkan fimm við það að ég er að missa vatnið og hleyp fram á bað. Dóttir mín mætir tuttugu mínútum seinna.“ „Ekki setja hana ofan í klósettið samt“ Guðríður segir alls ekki hafa búist við því að fæðingin tæki svo stuttan tíma í ljósi þess hversu langan tíma fyrsta fæðingin tók. Sonur hennar hafi ekki komið í heiminn fyrr en eftir rúman sólarhring og í ljósi gildandi takmarkana vegna kórónuveirufaraldursins hafi hún ekki ætlað niður á fæðingardeild fyrr en í virkri fæðingu þegar maki má vera með. Þegar á sjúkrahúsið var komið fengu þær mæðgur strax fulla skoðun og 10 í einkunn.Vísir Hún segir það hafa komið sér á óvart hversu róleg hún var í fæðingunni, en það hafi allt gerst mjög hratt. Hún hafi fundið að verkirnir urðu strax meiri þegar hún var komin inn á bað og stuttu síðar áttaði hún sig á því að barnið væri að koma. Eina sem hún hafi hugsað um var að grípa dóttur sína. „Ég get ekki einu sinni kallað á manninn minn að koma fram. Svo finnst mér ég bara þurfa að fara á klósettið og sest niður og þá kemur rembingsþörfin svona svakalega. Ég byrja bara að láta eftir henni og rembast með. Eitthvað hefur gerst vegna þess að hann vaknar við eitthvað hljóð í mér, heldur að ég sé að æla og kemur fram og þá er kollurinn kominn,“ segir Guðríður. Tómas hafi því hringt í Neyðarlínuna á meðan Guðríður átti barnið á klósettinu. „Ég finn að það kemur þessi kollhríð og ég fer með höndina og finn að það er kominn kollur. Svo kemur næsta og þá kemur höfuðið og ég held bara við það og búkurinn kemur svo í síðasta rembing. Svo já, ég tek á móti henni sitjandi á klósettinu. Eina sem grey konan hjá Neyðarlínunni gat sagt var að segja: Ekki setja hana ofan í klósettið samt.“ Upptöku af neyðarlínusímtalinu má heyra í viðtalinu hér að neðan. Góð lífsreynsla því það gekk vel Bergþóra Líf fæddist með naflastrenginn utan um hálsinn og fengu þau leiðsögn neyðarvarðar Neyðarlínunnar eftir að stúlkan var fædd. Hún hafi átt erfitt með að anda fyrst um sinn en sjúkraflutningamenn hafi verið fljótir á vettvang og gripið til viðeigandi ráðstafana. Tómas hafi því lítið náð að hjálpa þar sem allt gekk svo hratt fyrir sig. „Hann kemur ekkert að fyrr en það er kallað á hann til þess að klippa naflastrenginn.“ Hún segir heilt yfir fæðinguna hafa tekið fimm mínútur frá því að hún missir vatnið og þar til Bergþóra Líf var komin í heiminn. Þegar á sjúkrahúsið var komið fengu þær mæðgur strax fulla skoðun og 10 í einkunn og voru sendar heim á hádegi. „Það eru allir í raun hissa hvað þetta tókst vel og hvað við vorum róleg.“
Börn og uppeldi Ísland í dag Mest lesið „Ég hef aldrei reynt að verða nokkur skapaður hlutur“ Tónlist Segir hjálminum að þakka að hann sé á lífi Lífið Lofar svakalegri veislu Tónlist Krakkatían: Níu líf, karfan og víkingar Lífið „Þetta er enginn helvítis félagskvíði, það bara þolir mig enginn“ Áskorun Hvers vegna tölum við um bongóblíðu? Lífið Fékk skyndihugmynd og er nú í blómahafi heima fyrir Lífið Heiður Ósk og Davíð eru nýtt par Lífið Fréttatía vikunnar: Skúlptúrar, ráðherrarifrildi og EM Lífið Tengdasonur Íslands trúðaði Simon Cowell upp úr skónum Bíó og sjónvarp Fleiri fréttir Segir hjálminum að þakka að hann sé á lífi Krakkatían: Níu líf, karfan og víkingar Hvers vegna tölum við um bongóblíðu? Tólf klukkustunda gjörningur í Hörpu í dag Torfbærinn í Vesturbænum sem stóð fram á níunda áratuginn Bubbi hrærður: Trúir því að Níu líf muni á endanum vakna að nýju Fréttatía vikunnar: Skúlptúrar, ráðherrarifrildi og EM Arnar Þór selur Arnarneshöllina Á 90 þúsund servíettur í Hafnarfirði Heiður Ósk og Davíð eru nýtt par Fékk skyndihugmynd og er nú í blómahafi heima fyrir Einstakur Fender Telecaster í Hljóðfærahúsinu Fólk ferðist alla leið frá Ástralíu til að sækja Víkingahátíðina Tignarleg miðbæjaríbúð Helgu Ólafs til sölu Íslensk lopapeysa flutt milli heimsálfa vegna mestu eftirsjár ævinnar Breytti hænsnahúsi í verkstæði sitt Teknóhátíð á Radar alla helgina Enn neisti hjá Bad Bunny og Kendall Jenner Banjóleikari frá Nashville með Baggalúti og Sinfó Hugsar hlýtt til áranna í Los Angeles Aníta Briem og Hafþór eiga von á barni Selur húsið í Garðabæ eftir kaupin á glæsihúsi Ingu Lindar Sjö daga afmælissæla í Reykjanesbæ Þrjú hundruð börn reyna að dorga furðulegasta fiskinn Bara 33 ára og lífið á eftir að koma í ljós Daði keypti hús Jóns Jónssonar með mömmu sinni á yfirverði „Ég væri ekkert án þeirra“ Gekk í tvo tíma að flugvellinum til að komast hjá leigubílagjaldi Friðrik Ómar setur Reykhúsið aftur á sölu og lækkar verðið Linda lætur sér Lindarbraut lynda Sjá meira