Innlent

Þúsund skjálftar frá miðnætti

Sunna Kristín Hilmarsdóttir og Berghildur Erla Bernharðsdóttir skrifa
Náttúruvársérfræðingur hjá Veðurstofu Íslands segir að áfram megi búast við því að jarðskjálftavirknin á Reykjanesskaga sveiflist upp og niður.
Náttúruvársérfræðingur hjá Veðurstofu Íslands segir að áfram megi búast við því að jarðskjálftavirknin á Reykjanesskaga sveiflist upp og niður. Vísir/Vilhelm

Um eitt þúsund skjálftar hafa mælst á Reykjanesskaganum frá miðnætti í nótt. Bjarki Kaldalóns Friis, náttúruvársérfræðingur á Veðurstofu Íslands, segir að mesta skjálftavirknin sé í sunnanverðu Fagradalsfjalli eins og verið hefur undanfarna daga þótt hún hafi fært sig aðeins nær Nátthaga um helgina.

Bjarki segir að þótt þúsund jarðskjálftar sé auðvitað mikill fjöldi skjálfta þá sé þetta frekar rólegt miðað við næturnar undanfarið. Þá sveiflist virknin upp og niður og það má búast við því að það haldi áfram.

Í dag verður unnið úr gervihnattamynd sem tekin var á laugardag og síðar í dag verður svo tekin önnur sams konar mynd sem skilar sér annað hvort í kvöld eða fyrramálið.

Aðspurður hvort kvika sé enn að flæða inn í kvikuganginn sem myndast hefur milli Keilis og Fagradalsfjalls segir Bjarki að gera verði ráð fyrir því á meðan skjálftavirknin sé viðvarandi. Enn hefur kvika þó ekki náð að brjóta sér leið upp á yfirborðið með eldgosi.

Eldgos og jarðhræringar Jarðhræringar á Reykjanesi
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið