Golf

Fékk skilaboð frá Tiger fyrir lokahringinn og kláraði dæmið

Ingvi Þór Sæmundsson skrifar
Bryson DeChambeau lyftir bikarnum eftir sigurinn á Arnold Palmer Invitational.
Bryson DeChambeau lyftir bikarnum eftir sigurinn á Arnold Palmer Invitational. getty/Sam Greenwood

Bryson DeChambeu hrósaði sigri á Arnold Palmer Invitational mótinu á PGA-mótaröðinni í golfi eftir mikla baráttu við Lee Westwood.

Aldrei munaði meira en einu höggi á þeim DeChambeu og Westwood á síðustu fimmtán holunum.

DeChambeu lék á einu höggi undir pari á lokahringnum og samtals á ellefu höggum undir pari, einu höggi á undan Westwood. Corey Connors varð þriðji á átta höggum undir pari.

Þetta var áttundi sigur DeChambeus á PGA-mótaröðinni á ferlinum. Hann sagði hafa fengið hvatningu frá Tiger Woods, sem liggur nú á spítala og jafnar sig eftir bílslys, fyrir lokahringinn.

Klippa: DeChambeu vann Arnold Palmer Invitational

„Við töluðum bara um að berjast hvað sem á gengi og spila og herra Palmer sagði,“ sagði DeChambeu.

„Að vinna mótið hans Palmers var ekki í mínum villtustu draumum. Ég kom hingað sem áhugamaður og hann bauð mér að spila og ég elskaði völlinn hans frá fyrstu mínútu. Ég elska það sem hann gerði með staðinn og arfleiðina sem hann skilur eftir sig. Þetta er frekar ótrúlegt.“


Öll stærstu golfmótin eru á Stöð 2 Golf en upplýsingar um útsendingar má finna hér. Stöð 2 Golf kostar 3.990 krónur á mánuði en er einnig hluti af Sportpakkanum. Helgarpassa að Stöð 2 Golf má kaupa á kerfum Vodafone.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.