Innlent

Maður fór í sjóinn í Kópavogshöfn

Kristín Ólafsdóttir skrifar
Tveir sjúkrabílar voru sendir í Kópavogshöfn í kvöld.
Tveir sjúkrabílar voru sendir í Kópavogshöfn í kvöld. Vísir/vilhelm

Mikill viðbúnaður var í Kópavogshöfn á áttunda tímanum í kvöld eftir að tilkynning barst um mann sem farið hefði í sjóinn. Fólk í höfninni hafði komið manninum á land þegar viðbragðsaðilar komu á staðinn og hann sakaði ekki.

Rúnar Helgason varðstjóri hjá slökkviliði höfuðborgarsvæðisins segir í samtali við Vísi að maðurinn hafi neitað allri aðstoð slökkviliðs. Hann hafi verið skoðaður á staðnum en farið svo leiðar sinnar. Rúnar kveðst ekki vita hvernig maðurinn lenti í sjónum eða neitt frekar um aðdraganda þess.

Lítið var vitað um útkallið í fyrstu og mikill viðbúnaður því sendur á staðinn. Fimm kafarar fóru á vettvang, auk dælubíls og tveggja sjúkrabíla. Útkallinu lauk um áttaleytið, rúmum tuttugu mínútum eftir að tilkynning barst.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.