Handbolti

Bjarki Már heldur tryggð við Lemgo

Ingvi Þór Sæmundsson skrifar
Bjarki Már Elísson hefur skorað 323 mörk fyrir Lemgo í þýsku úrvalsdeildinni.
Bjarki Már Elísson hefur skorað 323 mörk fyrir Lemgo í þýsku úrvalsdeildinni. getty/Uwe Anspach

Bjarki Már Elísson, landsliðsmaður í handbolta, hefur framlengt samning sinn við þýska úrvalsdeildarliðið Lemgo. Nýi samningurinn gildir til loka júní 2022.

Bjarki gekk í raðir Lemgo frá Füchse Berlin 2019. Hann varð markakóngur þýsku úrvalsdeildarinnar á síðasta tímabili þegar hann skoraði 216 mörk í 27 leikjum.

Bjarki er núna í 3. sæti yfir markahæstu leikmenn þýsku deildarinnar með 107 mörk. Samherji hans í íslenska landsliðinu, Viggó Kristjánsson, er á toppi markalistans með 123 mörk.

Landsliðsmaðurinn, sem er þrítugur, hefur leikið í Þýskalandi frá 2013. Fyrst lék hann með Eisenach og varð meðal annars markakóngur B-deildarinnar á tíma sínum á liðinu áður en hann fór til Füchse Berlin 2015. Þar lék hann í fjögur ár og vann EHF-bikarinn 2018.

Bjarki skoraði 39 mörk á HM í Egyptalandi og var markahæsti leikmaður Íslands á mótinu.

Lemgo er í 12. sæti þýsku úrvalsdeildarinnar með fimmtán stig.




Fleiri fréttir

Sjá meira


×