Þægi­legt hjá Totten­ham í Ung­verja­landi | Úr­slit kvöldsins

Segja má að Tottenham Hotspur hafi aðeins þurft 35 mínútur af þeim 180 sem í boði voru til að tryggja sér sæti í 16-liða úrslitum Evrópudeildarinnar. Liðið var 3-0 yfir á þeim tímapunkti og vann leik kvöldsins sannfærandi 4-1.

Lærisveinar José Mourinho voru ekkert að tvínóna við hlutina er þeir heimsóttu Wolfsberger AC til Ungverjalands í 32-liða úrslitum Evrópudeildarinnar í kvöld, staðan orðin 3-0 gestunum frá Lundúnum í vil eftir rúmlega hálftíma leik.Wolfsberger hins vegar frá Austurríki en vegna kórónufaraldrusins og ferðatakmarkanna var leikið í Ungverjalandi. 

Heung-Min Son kom Tottenham yfir með góðum skalla eftir sendingu Gareth Bale strax á 13. mínútu leiksins. Var þetta 18. mark Son á leiktíðinni, eru það jafn mörg mörk og hann skoraði á öllu síðasta tímabili. Bale sjálfur tvöfaldaði forystu gestanna með góðu vinstri fótar skoti þegar 28 mínútur voru liðnar af leiknum.

Lucas Moura kom Tottenham í 3-0 aðeins sex mínútum síðar með frábæru einstaklingsframtaki. Á milli markanna hafði Hugo Lloris varið skalla Dario Vizinger í slánna og út. Staðan því 3-0 í hálfleik.

Michael Liendl minnkaði muninn í 3-1 þegar tíu mínútur voru liðnar af síðari hálfleik með marki úr vítaspyrnu. Nær komust heimamenn þó ekki og skoraði varamaðurinn Vinicius fjórða mark Tottenham undir lok venjulegs leiktíma.

Lokatölur í Austurríki 4-1 Tottenham í vil.

Önnur úrslit kvöldsins

Dynamo Kiev 1-1 Club Brugge

Krasnodar 2-3 Dinamo Zagreb

Rauða Stjarnan 2-2 AC Milan

Olympiacos 4-2 PSV Eindhoven

Braga 0-2 Roma

Slavía Prag 0-0 Leicester City

Young Boys 4-3 Bayer Leverkusen

Evrópudeild UEFA er á Stöð 2 Sport en upplýsingar um útsendingar má finna hér. Evrópudeildin er hluti af Stöð 2 Sport erlent sem kostar 3.990 krónur á mánuði en einnig má kaupa útsendingar sem stakan viðburð á 990 krónur.