Erlent

Rúm­lega sex­tíu látnir eftir að skip sökk í Kongó-fljóti

Atli Ísleifsson skrifar
Kongó-fljót er helsta samgönguæð landsins sem er að mestu þakið skógi.
Kongó-fljót er helsta samgönguæð landsins sem er að mestu þakið skógi. Getty

Að minnsta kosti sextíu eru látnir og hundruða er saknað eftir að skip sökk í Kongó-fljóti í Lýðveldinu Kongó.

Ráðherra mannúðarmála í landinu staðfestir þetta og segir að um sjö hundruð manns hafi verið um borð í skipinu sem var á siglingu í vesturhluta landsins, að því er fram kemur í frétt Guardian.

Aðeins hefur tekist að finna þrjú hundruð farþega á lífi og því virðist ljóst að tala látinna eigi eftir að hækka mikið.

Ráðherrann segir í samtali við Al-Jazeera fréttastofuna að ástæða slyssins virðist vera sú að allt of margir farþegar hafi verið um borð í skipinu sem að auki var hlaðið farmi.

Slys sem þessi eru algeng á Kongó-fljóti, þó ekki svona mannskæð, en fljótið er helsta samgönguæð landsins sem er að mestu þakið skógi.

Austur-Kongó
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið