Sport

Dag­skráin í dag: Körfu­bolti í aðal­hlut­verki með golf og knatt­spyrnu í auka­hlut­verki

Runólfur Trausti Þórhallsson skrifar
Keflavík heimsækir Val í Dominos deild karla í kvöld.
Keflavík heimsækir Val í Dominos deild karla í kvöld. Vísir/Bára

Það er nóg um að vera í heimi íþróttanna í dag en við endum að sjálfsögðu vinnuvikuna á Dominos Körfuboltakvöldi með Kjartani Atla Kjartanssyni og sérfræðingum þáttarins.

Stöð 2 Sport

Klukkan 17.45 hefst upphitun fyrir leiki dagsins í Dominos-deild karla í körfubolta. Klukkan 18.10 er svo ferðinni heitið til Njarðvíkur þar sem heimamenn taka á móti ÍR. 

Að þeim leik loknum er brunað yfir á Hlíðarenda þar sem Valur fær sjóðandi heita Keflvíkinga í heimsókn klukkan 20.05 og að lokum er Dominos Körfuboltakvöld á dagskrá klukkan 22.00.

Stöð 2 Sport 2

Klukkan 17.20 er leikur Baskonia og Badalona í spænska konungsbikarnum í körfubolta á dagskrá. Klukkan 19.40 sýnum við svo leik Blackburn Rovers og Preston North End í ensku B-deildinni.

Stöð 2 Sport 4

Við sýnum leik Bologna og Benevento í ítölsku úrvalsdeildinni klukkan 19.35. Forvitnilegt verður að sjá hvort Andri Fannar Baldursson fái mínútur með Bologna í kvöld.

Stöð 2 Golf

Klukkan 20.00 er komið að PGA-mótaröðinni í golfi. Þá fer AT&T Pebble Beach Pro-Am mótið af stað. Stutt og laggott nafn en mótið verður langt og spennandi.




Fleiri fréttir

Sjá meira


×