Íslenskt frjálsíþróttafólk nær því að þurfa ekki að leita á náðir nágranna Sindri Sverrisson skrifar 4. febrúar 2021 10:01 Frjálsíþróttalandsliðið vann til fjölda verðlauna á Smáþjóðaleikunum í Svartfjallalandi 2019. Sama ár vann liðið 3. deild EM og keppir því í 2. deild í sumar ef kórónuveirufaraldurinn kemur ekki í veg fyrir það. ÍSÍ „Við höfum þurft að vísa frá okkur mótum. Við erum til dæmis inni í „róteringu“ með hinum Norðurlöndunum varðandi mót og höfum bara þurft að afsaka okkur og leita á náðir nágranna okkar á meðan að ástandið er svona. Það er algjör skandall.“ Þetta segir Freyr Ólafsson, formaður Frjálsíþróttasambands Íslands, um stöðu þjóðarleikvangs í frjálsum íþróttum. Laugardalsvöllur, eini völlurinn hérlendis sem uppfyllt hefur alþjóðlegar kröfur, hefur lengi þarfnast umbóta og frjálsíþróttafólk beðið þess að fá sómasamlegan heimavöll. Nú virðist rofa til í þeim málum. Því var alla vega slegið fram í fyrirsögn á heimasíðu FRÍ og á mbl.is í gær að nýr þjóðarleikvangur væri „í augsýn“. Er það svo? „Það er spurning hvað maður sér langt. Það verður nú ekki byrjað að grafa neitt á næstu dögum en við höfum alla vega fengið jákvæðar fréttir,“ segir Freyr. Starfshópurinn skilar af sér fyrir maí Lilja Alfreðsdóttir, mennta- og menningarmálaráðherra, hefur nefnilega skipað starfshóp sem gera á tillögur um fyrirkomulag þjóðarleikvangs fyrir frjálsar íþróttir. Freyr verður formaður hópsins en í honum eru einnig fulltrúar Reykjavíkurborgar, ÍSÍ og ráðuneytisins. Hópurinn mun ljúka störfum í síðasta lagi 1. maí. Hlynur Andrésson er handhafi fjölda Íslandsmeta en keppir ekki fyrir íslenska landsliðið á heimavelli fyrr en búið verður að reisa nýja aðstöðu.ÍSÍ „Við erum bara jákvæð núna því þetta hefur verið óskaplega langur tími þar sem ekki hefur verið hoggið á hnútinn. Líklega er samt eitt vandasamasta verkið eftir – að ríki og borg semji um hver borgar hvað. Ég held að það liggi nú ekki endilega fyrir. En þetta útspil er alla vega mikil viðurkenning á því að það er ekki hægt að henda bara frjálsum íþróttum út af Laugardalsvelli. Það þarf að byrja á að byggja nýja frjálsíþróttaaðstöðu, áður en farið er í önnur verkefni,“ segir Freyr en til stendur að reisa nýjan knattspyrnuleikvang á Laugardalsvelli. Vilja vera við frjálsíþróttahöllina Raunar stendur margt til í Laugardal því þar á einnig að reisa nýja höll fyrir innanhússíþróttir í stað Laugardalshallar sem fyrir löngu er komin til ára sinna. Á sama tíma þarf að finna út úr aðstöðumálum fyrir hverfisfélögin, Þrótt og Ármann. Laugardalsvöllur dugar fótbolta- og frjálsíþróttalandsliðinu illa eins og staðan er í dag.VÍSIR/VILHELM Vinna starfshópsins er ekki hafin en hvaða lausn hugnast frjálsíþróttasambandinu best varðandi framtíðaraðstöðu? „Okkur finnst aðgengilegasta nálgunin vera að byggja upp völl við hliðina á frjálsíþróttahöllinni hér í Laugardal. Það rímar líka við það sem Þróttur hefur rætt um við borgina, að fá gervigrasvöll á Laugardalsvöll. Ef að Þróttur myndi afsala sér velli við Suðurlandsbraut í staðinn, fyrir þetta verkefni, þá gengur þetta upp,“ segir Freyr. Frjálsíþróttaleikvangurinn væri þá nokkrum skrefum frá frjálsíþróttahöllinni sem byggð var við Laugardalshöll og þannig væri til aðstaða til upphitunar á öðrum velli en keppnisvellinum, eins og alþjóðlegar kröfur gera ráð fyrir. Freyr vill einnig að aðstaðan stuðli að aukinni lýðheilsu og heilbrigði almennings, ekki síst barna og unglinga: „Við sjáum fyrir okkur að þessi völlur okkar í Laugardalnum geti orðið Mekka lýðheilsunnar á landinu. Okkur langar að sjá ekki bara völl heldur til að mynda upphitaðar skokkbrautir í kringum völlinn sem að almenningur getur notað, líkt og við höfum séð í Hollandi og Danmörku meðal annars. Það eru mikil tækifæri þarna.“ Frjálsar íþróttir Laugardalsvöllur Reykjavík Mest lesið Bakgarðshlaupið í beinni útsendingu Sport „Ég sakna hennar á hverjum degi“ Handbolti Darius Morris látinn aðeins þrjátíu og þriggja ára að aldri Körfubolti Enginn náð í fleiri stig en McKenna síðan hann tók við Ipswich Enski boltinn „Við þurfum níu stig til að vinna titilinn“ Enski boltinn „Við höldum bara áfram þangað til að leikurinn er búinn“ Körfubolti HSÍ lengir bann Einars: „Framganga þjálfarans var mjög ógnandi og ódrengileg“ Handbolti „Við gleymum okkur á veiku hliðinni“ Körfubolti Uppgjör: Keflavík - Grindavík 84-83 | Ótrúlegur endir og allt jafnt í einvíginu Körfubolti Girona í fyrsta sinn í Meistaradeild Evrópu og tryggði Real í leiðinni titilinn Fótbolti Fleiri fréttir Enginn náð í fleiri stig en McKenna síðan hann tók við Ipswich „Við höldum bara áfram þangað til að leikurinn er búinn“ „Við þurfum níu stig til að vinna titilinn“ „Við gleymum okkur á veiku hliðinni“ Darius Morris látinn aðeins þrjátíu og þriggja ára að aldri Uppgjör: Keflavík - Grindavík 84-83 | Ótrúlegur endir og allt jafnt í einvíginu Öruggt hjá Teiti Erni og félögum Girona í fyrsta sinn í Meistaradeild Evrópu og tryggði Real í leiðinni titilinn HSÍ lengir bann Einars: „Framganga þjálfarans var mjög ógnandi og ódrengileg“ Skoraði fernu og Englandsmeistararnir halda í við Skytturnar Tryggvi Snær kom inn af bekknum í tapi gegn botnliðinu Grótta upp í Olís eftir sigur með minnsta mun í oddaleik „Lítur ekki vel út með Elmar, ég er hræddur um að þetta sé svipað og hjá Eiði“ Real Madrid náði fjórtán stiga forskoti á toppnum Kane skoraði en Bayern tapaði Newcastle fór illa með Jóa Berg og félaga á Turf Moor Uppgjörið: FH - Vestri 3-2 | FH kom til baka og vann fjórða leikinn í röð Eyjamenn byrja fótboltasumarið ekki vel FH-ingar búnir að velja besta FH-lið sögunnar Kristín Dís og Þórdís fögnuðu sigri en það gekk illa hjá Halmstad strákunum Bráðnaði ekki í hitanum á Filippseyjum og náði í silfur Diljá og félagar töpuðu toppslagnum á heimavelli Arsenal menn kláruðu sitt og nú er pressan á Man. City Ipswich Town aftur upp í ensku úrvalsdeildina eftir 22 ára fjarveru Þórir bæði með mark og stoðsendingu Bach býðst til að synda sjálfur í Signu Andrea á batavegi: „Gott fyrir alla að sjá hana brosandi“ Glódís Perla þýskur meistari annað árið í röð „Varhugavert er að ætla starfsmanni Stöðvar 2 að hafa brugðið talsvert“ Hætti óvænt: Fannst hann skulda fjölskyldunni smá tíma Sjá meira
Þetta segir Freyr Ólafsson, formaður Frjálsíþróttasambands Íslands, um stöðu þjóðarleikvangs í frjálsum íþróttum. Laugardalsvöllur, eini völlurinn hérlendis sem uppfyllt hefur alþjóðlegar kröfur, hefur lengi þarfnast umbóta og frjálsíþróttafólk beðið þess að fá sómasamlegan heimavöll. Nú virðist rofa til í þeim málum. Því var alla vega slegið fram í fyrirsögn á heimasíðu FRÍ og á mbl.is í gær að nýr þjóðarleikvangur væri „í augsýn“. Er það svo? „Það er spurning hvað maður sér langt. Það verður nú ekki byrjað að grafa neitt á næstu dögum en við höfum alla vega fengið jákvæðar fréttir,“ segir Freyr. Starfshópurinn skilar af sér fyrir maí Lilja Alfreðsdóttir, mennta- og menningarmálaráðherra, hefur nefnilega skipað starfshóp sem gera á tillögur um fyrirkomulag þjóðarleikvangs fyrir frjálsar íþróttir. Freyr verður formaður hópsins en í honum eru einnig fulltrúar Reykjavíkurborgar, ÍSÍ og ráðuneytisins. Hópurinn mun ljúka störfum í síðasta lagi 1. maí. Hlynur Andrésson er handhafi fjölda Íslandsmeta en keppir ekki fyrir íslenska landsliðið á heimavelli fyrr en búið verður að reisa nýja aðstöðu.ÍSÍ „Við erum bara jákvæð núna því þetta hefur verið óskaplega langur tími þar sem ekki hefur verið hoggið á hnútinn. Líklega er samt eitt vandasamasta verkið eftir – að ríki og borg semji um hver borgar hvað. Ég held að það liggi nú ekki endilega fyrir. En þetta útspil er alla vega mikil viðurkenning á því að það er ekki hægt að henda bara frjálsum íþróttum út af Laugardalsvelli. Það þarf að byrja á að byggja nýja frjálsíþróttaaðstöðu, áður en farið er í önnur verkefni,“ segir Freyr en til stendur að reisa nýjan knattspyrnuleikvang á Laugardalsvelli. Vilja vera við frjálsíþróttahöllina Raunar stendur margt til í Laugardal því þar á einnig að reisa nýja höll fyrir innanhússíþróttir í stað Laugardalshallar sem fyrir löngu er komin til ára sinna. Á sama tíma þarf að finna út úr aðstöðumálum fyrir hverfisfélögin, Þrótt og Ármann. Laugardalsvöllur dugar fótbolta- og frjálsíþróttalandsliðinu illa eins og staðan er í dag.VÍSIR/VILHELM Vinna starfshópsins er ekki hafin en hvaða lausn hugnast frjálsíþróttasambandinu best varðandi framtíðaraðstöðu? „Okkur finnst aðgengilegasta nálgunin vera að byggja upp völl við hliðina á frjálsíþróttahöllinni hér í Laugardal. Það rímar líka við það sem Þróttur hefur rætt um við borgina, að fá gervigrasvöll á Laugardalsvöll. Ef að Þróttur myndi afsala sér velli við Suðurlandsbraut í staðinn, fyrir þetta verkefni, þá gengur þetta upp,“ segir Freyr. Frjálsíþróttaleikvangurinn væri þá nokkrum skrefum frá frjálsíþróttahöllinni sem byggð var við Laugardalshöll og þannig væri til aðstaða til upphitunar á öðrum velli en keppnisvellinum, eins og alþjóðlegar kröfur gera ráð fyrir. Freyr vill einnig að aðstaðan stuðli að aukinni lýðheilsu og heilbrigði almennings, ekki síst barna og unglinga: „Við sjáum fyrir okkur að þessi völlur okkar í Laugardalnum geti orðið Mekka lýðheilsunnar á landinu. Okkur langar að sjá ekki bara völl heldur til að mynda upphitaðar skokkbrautir í kringum völlinn sem að almenningur getur notað, líkt og við höfum séð í Hollandi og Danmörku meðal annars. Það eru mikil tækifæri þarna.“
Frjálsar íþróttir Laugardalsvöllur Reykjavík Mest lesið Bakgarðshlaupið í beinni útsendingu Sport „Ég sakna hennar á hverjum degi“ Handbolti Darius Morris látinn aðeins þrjátíu og þriggja ára að aldri Körfubolti Enginn náð í fleiri stig en McKenna síðan hann tók við Ipswich Enski boltinn „Við þurfum níu stig til að vinna titilinn“ Enski boltinn „Við höldum bara áfram þangað til að leikurinn er búinn“ Körfubolti HSÍ lengir bann Einars: „Framganga þjálfarans var mjög ógnandi og ódrengileg“ Handbolti „Við gleymum okkur á veiku hliðinni“ Körfubolti Uppgjör: Keflavík - Grindavík 84-83 | Ótrúlegur endir og allt jafnt í einvíginu Körfubolti Girona í fyrsta sinn í Meistaradeild Evrópu og tryggði Real í leiðinni titilinn Fótbolti Fleiri fréttir Enginn náð í fleiri stig en McKenna síðan hann tók við Ipswich „Við höldum bara áfram þangað til að leikurinn er búinn“ „Við þurfum níu stig til að vinna titilinn“ „Við gleymum okkur á veiku hliðinni“ Darius Morris látinn aðeins þrjátíu og þriggja ára að aldri Uppgjör: Keflavík - Grindavík 84-83 | Ótrúlegur endir og allt jafnt í einvíginu Öruggt hjá Teiti Erni og félögum Girona í fyrsta sinn í Meistaradeild Evrópu og tryggði Real í leiðinni titilinn HSÍ lengir bann Einars: „Framganga þjálfarans var mjög ógnandi og ódrengileg“ Skoraði fernu og Englandsmeistararnir halda í við Skytturnar Tryggvi Snær kom inn af bekknum í tapi gegn botnliðinu Grótta upp í Olís eftir sigur með minnsta mun í oddaleik „Lítur ekki vel út með Elmar, ég er hræddur um að þetta sé svipað og hjá Eiði“ Real Madrid náði fjórtán stiga forskoti á toppnum Kane skoraði en Bayern tapaði Newcastle fór illa með Jóa Berg og félaga á Turf Moor Uppgjörið: FH - Vestri 3-2 | FH kom til baka og vann fjórða leikinn í röð Eyjamenn byrja fótboltasumarið ekki vel FH-ingar búnir að velja besta FH-lið sögunnar Kristín Dís og Þórdís fögnuðu sigri en það gekk illa hjá Halmstad strákunum Bráðnaði ekki í hitanum á Filippseyjum og náði í silfur Diljá og félagar töpuðu toppslagnum á heimavelli Arsenal menn kláruðu sitt og nú er pressan á Man. City Ipswich Town aftur upp í ensku úrvalsdeildina eftir 22 ára fjarveru Þórir bæði með mark og stoðsendingu Bach býðst til að synda sjálfur í Signu Andrea á batavegi: „Gott fyrir alla að sjá hana brosandi“ Glódís Perla þýskur meistari annað árið í röð „Varhugavert er að ætla starfsmanni Stöðvar 2 að hafa brugðið talsvert“ Hætti óvænt: Fannst hann skulda fjölskyldunni smá tíma Sjá meira